શ્રી સ્વામિનારાયણ ગુરુકુળ પરામસ ન્યૂજર્સીમાં આવતીકાલ 25 ફેબ્રુ.ના રોજ હોળી રંગોત્સવ: સાથોસાથ માત્ર સ્વામિનારાયણ સંપ્રદાયમાંજ ઉજવાતા શાકોત્સવનો પ્રસાદ માણવાનો લ્હાવો

(દિપ્તીબેન જાની દ્વારા) : ન્યુજર્સી છેલ્લા 5 વર્ષથી બાળકો, યુવાનોના સંસ્કાર જતન અને વડીલોના સત્સંગ પોષણનું કાર્ય કરી રહેલી સુપ્રસિદ્ધ સંસ્થા શ્રી સ્વામિનારાયણ ગુરુકુલ  પરામસ-ન્યુજર્સીમાં તારીખ 25 ફેબ્રુઆરી 2018, રવિવારના દિવસે સાંજે 3:30 થી 6:30 સુધી હોળી-રંગોત્સવનું ભવ્ય આયોજન કરવામાં આવ્યું છે. સાથે સાથે માત્ર સ્વામિનારાયણ સંપ્રદાયમાં જ ઉજવાતો દિવ્ય શાકોત્સવ પણ રાખવામાં આવેલ છે.

આ પ્રસંગે ડલાસથી પધારેલા પૂજ્યપાદ ભગવતચરણદાસજી સ્વામી તથા અન્ય પવિત્ર સંતોના મંગલ આશીર્વાદનો લાભ મળશે.

બાળકો-બાલિકાઓ, યુવાનો-યુવતીઓ દ્વારા મનભાવન સાંસ્કૃતિક કાર્યક્રમ પણ પ્રસ્તુત થશે.

આ દિવ્ય પ્રસંગે સંતો સંગે રંગોત્સવ રમવા તથા સંતોના હસ્તે શાકોત્સવ જમવા સહુ ધર્મપ્રેમીઓને ગુરુકુલ પરિવાર દ્વારા ભાવભર્યું હાર્દિક નિમંત્રણ આપવામાં આવ્યું છે. 

એમ શ્રી ચતુરભાઈ વઘાસીયાની યાદીમાં જણાવે છે.