અટલજીની સરકારમાં અરૂણ જેટલી પ્રથમવાર બન્યા હતા મંત્રી : રાજ્યસભામાં વિરોધપક્ષ અને ગૃહના નેતા એમ બે પદ સાંભળેલ

નવી દિલ્હી ;પૂર્વ નાણામંત્રી અને ભાજપના દિગ્ગજ નેતા અરૂણ જેટલીનું 66 વર્ષની વયે નિધન થયું છે અરૂણ જેટલીએ અનેક મંત્રલાયોમાં સેવા આપી છે જ્યારે અટલજી ભારતના વડાપ્રધાન હતા ત્યારે જેટલીએ પ્રથમ વખત મંત્રી પદ સંભાળ્યું હતું. જેટલી 1999માં પ્રથમ વખત રાજ્યકક્ષાના મંત્રી તરીકે એન્ટ્રી કરી હતી. જે તે વખત જેટલી રાજ્યકક્ષાના માહિતી અને પ્રસારણ મંત્રી બન્યા હતા. ત્યાર બાદ તેઓ કેબિનટ કાયદા અને ન્યાયમંત્રીનું પદ પણ સંભાળ્યું હતું.

જ્યારે મનમોહનસિંઘની UPA-2 સરકાર હતી ત્યારે રાજ્યસભામાં વિરોધપક્ષના નેતા તરીકે અરૂણ જેટલી હતા. ત્યારબાદ જ્યારે NDA સરકાર બની ત્યારબાદ ભાજપના સૌથી સિનિયર નેતા અને મંત્રી હોવાના નાતે રાજ્યસભાના ગૃહના નેતા પણ રહ્યા હતા.

અરૂણ જેટલીનો મંત્રી તરીકેનો મહત્ત્વનો કાર્યકાળ

• નાણાંમંત્રી - 26 મે 2014થી 30 મે 2019
• કોર્પોરેટ અફેર્સમંત્રી- 26 મે 2014થી 30 મે 2019
• સંરક્ષણમંત્રી- 26 મે 2014થી 9 નવેમ્બર 2014 અને 13 માર્ચ 2017થી 3 સપ્ટેમ્બર 2017
• માહિતી અને પ્રસારણમંત્રી- 9 નવેમ્બર 2014થી 5 જુલાઈ 2016
• રાજ્યસભા ગૃહના નેતા- 26 મે 2014થી 11 જુન 2019
• વિરોધપક્ષના નેતા રાજ્યસભા- 3 જુન 2009થી 26 મે 2014
• કાયદા અને ન્યાયમંત્રી- 7 નવેમ્બર 2000થી 1 જુલાઈ 2002 અને 29 જુલાઈ 2003થી 22 મે 2004
• રાજ્યકક્ષાના માહિતી અને પ્રસારણમંત્રી-13 ઓક્ટોમ્બર 1999થી 30 સપ્ટેમ્બર 2000
• ઉતરપ્રદેશથી રાજ્યસભાના સભ્ય- 3 એપ્રિલ 2018થી આજ દિન સુધી
• ગુજરાતથી રાજ્યસભાના સભ્ય- 3 એપ્રિલ 2000 થી 2 એપ્રિલ 2018