ભારત આવતા વિદેશીઓ માટે મેડીકલ ટ્રીટમેન્ટ સરળ બનશેઃ અલગ મેડીકલ વીઝા લેવાની જરૂર નહીં પડે

ન્યુ દિલ્હીઃ વિદેશોમાંથી ભારતના વીઝા મેળવી ૬ માસ માટે આવતા લોકોને મેડીકલ ટ્રીટમેન્ટ માટે રોકાવાની જરૂર પડે ત્યારે તેઓ માટે વીઝા પ્રક્રિયા સરળ બનાવવાનું દેશના મિનીસ્ટ્રી ઓફ હોમ અફેર્સ (MHA) ડીપાર્ટમેન્ટએ નક્કી કર્યુ છે.

૬ માસ કે તેથી વધુ સમયના વીઝા મેળવી ભારત આવતા લોકોને મેડીકલ ટ્રીટમેન્ટની જરૂર પડે તો તેઓએ તેમના વીઝા મેડીકલ વીઝામાં ફેરવવાની આવશ્યકતા નહીં રહે ૬ મહિનાથી ઓછા સમય માટેના હોસ્પિટલાઇઝેશન માટે માત્ર ફોરેનર રીજીયોનલ રજીસ્ટ્રેશન ઓફિસ (FRRO)ને અધિકૃત હોસ્પિટલનું સર્ટિફિકેટ જ આપવાનું રહેશે. જેથી FRRO તેમની માંગણ મંજુર રાખશે તેમજ તેમનું વીઝા સર્ટિફિકેટ પણ ચાલુ રાખશે. તેવું સમાચાર સૂત્રો દ્વારા જાણવા મળે છે.