ઇટલીમાં ઈશા અંબાણી અને આનંદ પિરામલની સગાઈનું ગ્રાન્ડ સેલિબ્રેશન
બોલીવુડના અનેક સિતારાઓ પહોંચ્યા :લેક કોમો લોમ્બાર્ડીમાં ગુલાબના ફૂલોનો વરસાદ
ઈશા અંબાણી અને આનંદ પીરામલની સગાઈનું ઈટલીમાં ગ્રાન્ડ સેલિબ્રેશન થઈ રહ્યું છે. જેમાં અંબાણી અને પીરામલ પરિવારનાં નજીકનાં મહેમાનો જોડાયા છે
. આ જ વર્ષે આનંદે ઇશાને મહારાષ્ટ્રના મહાબલેશ્વરમાં પ્રપોઝ કર્યુ હતું. મેમાં એક અંગત સમારોહમાં બંને પરિવારોની હાજરમાં સેલિબ્રેશન પણ કરવામાં આવ્યું હતું. આ કાર્યક્રમમાં બોલિવૂડના અનેક સિતારાઓહાજર છે. જેમાં પ્રિયંકા ચોપડા, નિક જોનાસ, અનિલ કપૂર, જૂહી ચાવલા, સોનમ કપૂર, આનંદ આહુજા અહીં પહોંચ્યા છે.
આ ખાનગી સગાઇનો અેક વીડિયો બહાર આવ્યો છે. જેમાં ઇશા અંબાની અને આનંદ પીરામલ સ્ટેજ પર ઉભા છે અને ઇશા અને આનંદ ખૂબસુરત ઝીલ જોઈ રહ્યાં છે. આ સગાઈના કાર્યક્રમ દરમિયાન તેમની પર ગુલાબના ફૂલોનો વરસાદ થઈ રહ્યો છે.
સગાઈની તમામ રસમો ઇટલીના લેક કોમો લોમ્બાર્ડીમાં થઈ રહી છે. અંબાણી પરિવાર માટે આ સૌથી મોટો પ્રસંગ છે.