રોમેન્ટિક પ્રી-વેડિંગ માટે કપલ નાવડીમાં બેઠુ, પણ પ્લાન ઊંધો પડયો

 કોચી તા ૨૨ :  લગ્ન પહેલા પ્રી-વેડિંગ ફોટોશૂટનો ટ્રેન્ડ હવે ભારતમાં પણ જબરો ફેવરિટ થઇ રહ્યો છે. યુગલો લગ્ન પહેલાની પળોને યાદગાર બનાવી દેવા માટે કંઇક નવું કરવા તત્પર હોય છે. તાજેતરમાં કેરલના એક યુગલનો પ્ર-વેડિંગ ફોટલોશૂટનો વિડીયો વાઇરલ થયો છે. આ યુગલની ઇચ્છા એવી હતી કે, તેઓ એક નદીમાં નાવમાં સફર કરતા હોય અને વરસાદ આવી રહ્યો હોય, એ વરસાદમાં તેઓ કેળનાં પત્તાંને છત્ર બનાવીને એકમેકની નિશ્રામાં બચીને રહે. વરસાદ આવતો ન હોવાથી આસપાસના કેટલાક લોકો તેમની પર પાણીની વાછટ નાખી રહ્યા હતા અને સામેથી ફોટોગ્રાફી અને વિડીયોગ્રાફીનું કામ થઇ રહ્યું હતું. જોકે વરસાદની વાછટોથી બચવાના પ્રયત્નનો અભિનય કરવા જતાં નાવડી હાલકડોલક થઇ અને બન્ને જણ પાણીમાં પડી ગયાં આસપાસના ઘણા લોકો હતા. અને નદી બહું ઊંડી નહોતી  એટલે બચાવકાર્યમાં ખાસ વાંધો ન આવ્યો. નસીબ પણ એટલું સારૂ કે યુગલ પાણીમાં પડયું એ પહેલા કેમેરામેને પર્ફેકટ શોટ ખેંચી લીધો હતો. (૩.૨)