અમૂલે બનાવ્યું કાર્ટુન

રાહુલ ગાંધીની 'ઝપ્પી' પર અમૂલે આ રીતે લીધી મજા

નવી દિલ્હી તા. ૨૧ : ગઇકાલે સંસદમાં જયારે અવિશ્વાસ પ્રસ્તાવ પર ચર્ચા દરમિયાન રાહુલ ગાંધીએ અચાનક જ વડાપ્રધાનને ગળે લગાવ્યાં હતાં તે સમયે દરેક વ્યકિતને આશ્ચર્ય થયું હતું. થયું એવું કે વડાપ્રધાન મોદી, બીજેપી અને આરએસએસ પર કોંગ્રેસના રાષ્ટ્રીય અધ્યક્ષ પ્રહાર કરી રહ્યાં હતાં. રાહુલ ગાંધીએ જેવી પોતાની વાત પૂરી કરી કે તરત જ તેઓ વડાપ્રધાનની સીટ પર ગયાં હતાં અને તેમને 'ઝપ્પી' આપી હતી. મોદીને ગળે મળ્યા પછી રાહુલ ગાંધીએ કહ્યું હતું કે હિંદુ હોવાનો મતલબ આ જ છે. જોકે, આ પછી સીટ પર પરત આવીને રાહુલ ગાંધી આંખ મારતાં પણ જોવા મળ્યાં હતાં.

આ પ્રકરણ દિવસભર સોશિયલ મીડિયા પર છવાયેલું રહ્યું હતું. કોઈએ રાહુલ ગાંધી દ્વારા વડાપ્રધાનને ગળે લગાડવા અને આંખ મારવા પર પોતપોતાના શબ્દોમાં વ્યકત કરી હતી તો ડેરી ઉત્પાદન સાથે પોતાના કાર્ટૂન માટે ફેમસ અમૂલે પણ આ ઘટના પર એક કાર્ટૂન બનાવ્યું હતું.

આ કાર્ટૂનમાં રાહુલ ગાંધી વડાપ્રધાનને ગળે લગાડતાં જોવા મળે છે. જેની પર લખ્યું છે , “Embracing (ગળે લગાડવું) કે Embarrassing (સંકોચ)ે આ કાર્ટૂન પર યુઝર્સે પ્રતિક્રિયાઓ પણ આપી છે. મોટાભાગના લોકોએ અમૂલના આ કાર્ટૂનના વખાણ કર્યાં છે.