મુખ્ય સમાચાર
News of Tuesday, 21st May 2019

ઉત્તર પ્રદેશના અલીગઢમાં વિચિત્ર ઘટનાઃ હોસ્પિટલમાં ચેકઅપ સમયે મહિલાના મોઢામાં બ્લાસ્ટ

નવી દિલ્હી: ઉત્તર પ્રદેશના અલીગઢમાં એક વિચિત્ર કિસ્સો સામે આવ્યો છે. જ્યાં હોસ્પિટલમાં સારવાર કરાવવા પહોચી એક મહિલાના મોઢામાં તે સમયે બ્લાસ્ટ થયો જ્યારે ડોક્ટર તેનું ચેકઅપ કરી રહ્યાં હતા. સમગ્ર ઘટનાનો એક વીડિયો પણ સોશિયલ મીડિયા પર ઘણો ઝડપી વાયરલ થઇ રહ્યો છે. જેમાં જોઇ શકાય છે કે, કેવી રીતે એક મહિલા સારવાર માટે હોસ્પિટલ પહોંચી અને સારવાર દરમિયાન તેના મોઢામાં બ્લાસ્ટ થયો હતો. મહિલાના મોઢામાં જેવો બ્લાસ્ટ થયો તે સમયે આસપાસના લોકો પોતાનો જીવ બચાવવા માટે દૂર ભાગે છે.

મળતી જાણકારી અનુસાર, અલીગઢના જેએન હોસ્પિટલમાં મહિલાના પરિવારજનો તેને સારવાર માટે લઇ ગયા હતા. મહિલાની હાલત ગંભીર હોવાના કારણે ડોક્ટર્સએ તેને તાત્કાલીક દાખલ કરી દીધી હતી અને તેની સારવાર પણ શરૂ કરી દીધી હતી. ડોક્ટર્સ મહિલાની સારવાર કરી રહ્યાં હતા કે અચાનક મહિલાના મોઢામાં બ્લાસ્ટ થયો. મહિલાની સારવાર અને તેના મોઢામાં બ્લાસ્ટ થયાની સમગ્ર ઘટના હોસ્ટિપલમાં લગાવવામાં આવેલા સીસીટીવી કેમેરામાં કેદ થઇ ગઇ હતી. ત્યારબાદ વીડિયો સોશિયલ મીડિયામાં ઘણો વાયલર થઇ રહ્યો છે.

રિપોર્ટ અનુસાર મહિલાએ આપઘાત કરવા માટે સલ્ફ્યૂરિક એસિડ પીધો હતો. ત્યારબાદ મહિલાની સારવાર કરવવા માટે તેના પરિવારજનો તેને હોસ્પિટલ લઇને પહોંચ્યા હતા. જ્યાં ડોક્ટર્સે તેની સારવાર શરૂ કરી દીધી હતી. પરંતુ મહિલાના મોઢામાં સેક્શન પાઇપ નાખી, પરંતુ તે વચ્ચે સલ્ફ્યૂરિક એસિડ ઓક્સીજનના સંપર્કમાં આવી ગયો હતો. જેના કારણે મહિલાના મોઢામાં જોરદારનો બ્લાસ્ટ થયો હતો.

મળતી જાણકારી અનુસાર, અલીગઢના હરદુઆગંજ થાના વિસ્તાર સ્થિત નસીર મોહલ્લામાં રહેતી 40 વર્ષની શીલા દેવીએ સલ્ફ્યૂરિક એસિડ પીને આપઘાત કરવાનો પ્રય્તન કર્યો હતો. ત્યારબાદ મહિલાના પરિવારજનોએ તેને સારવાર માટે હોસ્પિટલમાં દાખલ કરી હતી. પરંતુ જેવી સારવાર શરૂ કરવામાં માટે ડોક્ટર્સે શીલાના મોઢામાં પાઇપ નાખી તે સમયે અચાનક તેના મોઢામાં બ્લાસ્ટ થયો હતો.

(12:00 am IST)