ચીને ખેલ્યો નવો ખેલ : અરૂણાચલ પ્રદેશની સરહદે મોટા પ્રમણમાં માઇનિંગ ઓપરેશન શરુ કર્યું
ચીનનાં સીમાવર્તી વિસ્તારમાં પોતાના પ્રભાવ અને નિયંત્રણ વધારવાનાં ઇરાદાથી ચાલુ કરવામાં આવ્યું છે. રવિવારે સાઉથ ચાઇના મોર્નિગ પોસ્ટે આ અંગેની માહિતી આપી હતી. ચીન અરૂણાચલ કિનારે રહેલા લુંજે કાઉન્ટીમાં આશરે 60 અબજ ડોલરનાં ગોલ્ડ, સિલ્વર અને અન્ય ખનીજ પદાર્થોનાં નિકાલનું કામ પહેલાથી જ કરી રહ્યા છે. આ વખતે ચીન માઇનિંગ ઓપરેશન સીમા પરનાં વિસ્તારો પોતાનાં વિસ્તારમાં કરી રહ્યું છે. જેનાં કારણે બારતની તરફથી તેમાં દખલની સંભાવના ઘણી ઓછી છે.
ચીનની નજર અરૂણાચલપ્રદેશ સહિત ભારતનાં અન્ય સીમા પર રહેલા વિસ્તારો પર પણ છે. ભારત અને ચીનની વચ્ચે નિર્ધારિત સિમા નથી. જેનાં કારણે ઘણીવાર વિવાદ પેદા થાય છે. હાલનાં દિવસોમાં ચીની સૈનિકો દ્વારા ભારતીય ક્ષેત્રમાં ઘૂસણખોરીની પણ ઘણી ઘટનાઓ સામે આવી છે. જેનો ભારત સતત વિરોધ કરતું રહ્યું છે. તે ઉપરાંત ચીન હવાઇ સીમાનું પણ ઉલ્લંઘન કરતું રહે છે.