કાળા હરણમાં ફરી સળવળાટ : ફિલ્મી હસ્તીઓને નોટીસો
જયપુર તા. ૨૦ : કાળા હરણની હત્યાના ૨૦ વર્ષ જુના મામલે રાજસ્થાન હાઇકોર્ટે સૈફ અલી ખાન, સોનાલી બેન્દ્રે, નીલમ, તબ્બુ અને દુષ્યંત સિંહને નોટિસ મોકલી છે. ખરેખર સીજેએમ અદાલત ઘ્વારા તેમને છોડી મુકવાના નિર્ણય સામે સરકારે અરજી કરી હતી. આ મામલે ૮ અઠવાડિયા પછી સુનાવણી થશે. આપને જણાવી દઈએ કે વર્ષ ૧૯૯૮ દરમિયાન ફિલ્મ હમ સાથ સાથ હૈ ફિલ્મની શૂટિંગ સમયે સલમાન ખાન પર બે કાળા હરણનો શિકાર કરવાનો આરોપ લાગ્યો હતો. આ દરમિયાન સૈફ અલી ખાન, સોનાલી બેન્દ્રે, નીલમ, તબ્બુ અને દુષ્યંત સિંહ તેમની સાથે હતા.આ દરમિયાન ગ્રામીણોએ બે કાળા હરણના શબ મેળવ્યા હતા. આ દરમિયાન સલમાન ખાન પર કાળા હરણને ગોળી મારવાનો અને સૈફ અલી ખાન સહીત ત્રણે અભિનેત્રીઓ પર તેને ઉકસાવવાનો આરોપ લાગ્યો હતો. વર્ષ ૨૦૧૭ દરમિયાન આ મામલે જોધપુર હાઇકોર્ટે સલમાન ખાનને ૫ વર્ષ જેલની સજા સંભળાવી હતી, પરંતુ બે દિવસ પછી તેને જામીન પર છોડી મુકવામાં પણ આવ્યો હતો.