ફ્રેન્ચ ઓટો મેકર રેનોલ્ટ ટૂંક સમયમાં ૭ સીટર કાર લોન્ચ કરશે
નવી દિલ્હી: ફ્રેન્ચ ઓટો મેકર રેનોલ્ટ (Renault) ટૂંક સમયમાં Triber કાર લોન્ચ કરવા જઇ રહી છે. જોકે, તેની બુકિંગ શરૂ થઇ ગઇ છે. 11000 રૂપિયા આપી આ કારનું બુકિંગ કરાવી શકાય છે. આ કાર 28 ઓગસ્ટના લોન્ચ કરવામાં આવશે. મળતી જાણકારી અનુસાર, આ કાર માત્ર પેટ્રોલ એન્જિનમાં આવશે. જો કે, મેન્યુઅલ અને ઓટોમેટિક ટ્રાન્સમિશન બંને વેરિએન્ટમાં મળશે. આ એક 7 સીટર કાર છે.
આ કારમાં 1.0 લીટર પેટ્રોલ એન્જિન લાગ્યું છે જે મેક્સિમમ 72PS પાવર અને 96Nm ટોર્ક ઉત્પન કરે છે. અન્ય ફીચરની વાત કરીએ તો 8 ઈંચની ટચ સ્ક્રીન આપવામાં આવી છે. આ ઇન્ફર્મેશન સિસ્ટમ એપ્પલ કાર પ્લે અને એન્ડ્રોઇડ ઓટોને સપોર્ટ કરે છે. મોડ્યૂલર સીટિંગની પણ સુવિધા આપવામાં આવી છે. જાણકારોના અનુસાર, આ કારની કિંમત 5થી 7 લાખની વચ્ચે હોઇ શકે છે. તેમના સેગમેન્ટમાં આ કારનો મુકાબલો મારુતી સુઝુકી સ્વિફ્ટ (Maruti Suzuki Swift) અને ફોર્ટ ફીગો (Ford Figo)થી થશે.