આસામઃ નોકરી કૌભાંડમાં ભાજપ સાંસદની પુત્રી સહિત ૧૯ અધિકારીઓની ધરપકડ
૨૦૧૬માં યોજાયેલી આસામ લોકસેવા પંચની પરીક્ષામાં થયેલા ગોટાળા હેઠળ કાર્યવાહી
ગોવાહારી તા.૧૯: ભાજપ સાંસદ આરપી શર્માની પુત્રી પલ્લવી શર્મા સહિત આસામ સરકારના ૧૯ અધિકારીઓની ધરપકડ કરવામાં આવી છે. વર્ષ ૨૦૧૬માં થયેલા અસમ લોક સેવા પંચની પરીક્ષાની જવાબવહીમાં તેની હેન્ડરાઇટીંગની સરખામણી નહિ થવાના કારણે તે દરેકની ધરપકડ કરવામાં આવી છે.
આસામ પીએસસીમાં નોકરી માટે મામલાની તપાસ કરી રહેલી ડિબુ્રગઠ પોલીસે આસામ સિવિલ સેવા, આસામ પોલીસ સેવા અને સહાયક સેવાઓ ૨૦૧૬ બેચના ૧૯ અધિકારીઓને સમન કર્યુ છે આ અધિકારીઓની જવાબદારીની ફોરેન્સિક તપાસમાં ગરબડીના સંકેત મળ્યા બાદ તેને હેન્ડરાઇટીંગ ટેસ્ટમાં સામેલ થવા માટે કહેવામાં આવ્યું છે.
ડિબ્રુગઢના એસપી ગૌતમ બોરાએ કહ્યુ કે ૧૯ અધિકારીઓની હેન્ડરાઇટીંગ તેની જવાબવહી સાથે મળી શકયા નથી તેને ફોરેન્સીક તપાસમાં બનાવટી ગણાવ્યા છે. તેઓએ કહ્યુંકે અધિકારીઓની ગોવાહાટીમાં ધરપકડ કરવામાં આવી.