ઉત્તર પ્રદેશમાં હૈયુ હચમચાવી દે તેવી ઘટનાઃ સગી દિકરી ઉપર પિતા અને તેના મિત્રોએ દુષ્‍કર્મ આચર્યુ

સીતાપુરઃ ઉત્તર પ્રદેશના સીતાપુરમાં હૈયુ હચમચાવી દે તેવી ઘટનાથી ખળભળાટ મચી ગયો છે. સગા પિતાએ પોતાની યુવાન પુત્રી ઉપર દુષ્‍કર્મ આચર્યુ હતું તેમજ તેમના બે મિત્રોએ પણ સામુહિક દુષ્‍કર્મ આચરતા પોલીસે ત્રણ શખ્સોની ધરપકડ કરી છે.

ઉત્તર પ્રદેશના સીતાપુરમાં એક પિતા પર આરોપ લાગ્યો છે કે તેણે મિત્રોને ગેંગરેપ માટે દીકરી ભેટમાં આપી દીધી. મિત્રોએ દીકરી સાથે સામૂહિક બળાત્કાર કર્યો અને પછી પિતાએ પણ કથિત રીતે પોતાની દીકરી પર બળાત્કાર ગુજાર્યો. માણસના રુપમાં રાક્ષસી ઘટનાને અંજામ આપનારા ત્રણન પોલીસે ધરપકડ કરી લીધી છે.

પોલીસે જણાવ્યું કે આરોપી પિતાની ઉંમર 50 વર્ષ છે. તે 15 એપ્રિલે કમાલપુરના મેળામાં ગયો હતો. સાંજે તે ઘરે આવ્યા પછી તેણે તેના મિત્રો હિસ્ટ્રીશીટર માનસિંહને બોલાવ્યો. ઘરે આરોપીએ પોતાની દીકરી (35)ને માનસિંહ સાથે બાઈક પર જવા માટે કહ્યું. માનસિંહ તેને લઈને બીજા મિત્ર મેરાજના ઘરે પહોંચ્યો.

પીડિતનો આરોપ છે કે મેરાજના ઘરે તે ત્રણે મળીને તેનો રેપ કર્યો. મેરાજના ઘરે તેને 18 કલાક સુધી બાંધીને રાખી. ત્યાં તેને સોમવારની સાંજે છોડવામાં આવ્યો. ઘરે આવીને તેણે માને આખી વાત કહી, જે પછી તેમણે પોલીસ સ્ટેશનમાં આ અંગે FIR નોંધાવી.

પોલીસે જણાવ્યું કે FIR નોંધ્યા પછી મેરાજની ધરપકડ કરી લેવામાં આવી. જ્યારે પીડિતાના પિતા અને માનસિંહની હજુ સુધી ધરપકડ નથી થઈ શકી. કમાલપુર એસએચઓ સંજીત સોનકરે જણાવ્યું કે મેરાજ કમાલપુરમાં એક ક્લિનિક ચલાવે છે. તેણે દાવો કર્યો કે તે એક ડૉક્ટર છે પણ તે તેની પાસે તેની ડિગ્રી ન બતાવી શક્યો. ઘટનાના દિવસે મેરાજના પરિવારજનો બહાર ગયા હતા.

સીતાપુર એસપી સુરેશરાવ એ. કુલકર્ણીએ જણાવ્યું કે પીડિતાના 16 વર્ષ પહેલા લગ્ન થઈ ગયા હતા, પણ લગ્નના બે વર્ષ પછી પતિ સાથે વિવાદ થતા તે ઘરે પાછી આવી હતી. નવેમ્બર 2017માં પણ તેના પિતા પર પીડિતાએ રેપનો આરોપ લગાવ્યો હતો, પણ તેને ગામમાંથી કાઢી મૂકવામાં આવ્યો હતો. એસપીએ જણાવ્યું કે 2017માં ગામના લોકોએ પંચાયત બોલાવી હતી અને પીડિતાના પિતાની ધરપકડ કરાવી હતી. તેને તે જ વર્ષે ફેબ્રુઆરીમાં જામીન મળ્યા હતા. પીડિતા પોતાના 14 વર્ષના દીકરા સાથે અલગ રહે છે.