નાઇઝીરિયામાં જેહાદી સંગઠન બોકો હરામે 19 માલધારીઓને મોતને ઘાટ ઉતાર્યા

પશુઓને નિશાન બનાવ્યા બાદ સશસ્ત્ર અથડામણમાં 19 માલધારીઓને ગોળી મારી હત્યા

અબુઝા :નાઇજીરીયાનાં ઉત્તર-પુર્વ ભાગમાં જેહાદી સંગઠન બોકો હરામે 19 જેટલા માલધારીઓને મોતને ઘાટ ઉતાર્યા હતાં,સ્થાનિક લોકોનાં જણાવ્યા અનુસાર પહેલા માલધારીઓનાં પશુઓને નિશાન બનાવાયા હતાં,આ દરમિયાન સશસ્ત્ર અથડામણ થઇ,ત્યાર બાદ બોકો હરામ પર હુમલા કરાયા હતાં.

કેમરૂન સાથેની સરહદની નજીકનાં ફુવે ગામમાં અથડામણ થઇ હતી,જેહાદી વિરોધી મિલિશિયાનાં નેતા ઉમર કાચલા અનુસાર કટ્ટરપંથીઓ અથડામણમાં 19 માલધારીઓને ગોળી મારીને હત્યા કરી હતી.

આતંકી સંગઠન બોકો હરામ આ પહેલા અસંખ્ય ક્રુર હુમલા કરી ચુક્યું છે.ઘણી વખત આ સંગઠને સેના પર પણ હુમલા કરીને મોટું નુકસાન પહોચાડ્યું છે.

કાચલાનાં જણાવ્યા અનુસાર મૃતક માલધારીઓનાં મૃતદેહો પોલીસને સોંપી દેવામાં આવ્યા છે

 .અત્રે ઉલ્લેખનિય છે કે બોકો હરમે ખેડુતો,માલધારીઓ અને કઠીયારાઓ પર તેમની સાથે લડી રહેલી સેના માટે જાસુસી કરવાનાં આરોપ લગાવીને તેમના પર હુમલા તેજ કર્યા છે.