આ વખતે નવી સરકાર બનશેઃ દેશનો મૂડ પોઝીટીવઃ રાહુલ

લુધિયાણામાં કોંગ્રેસ અધ્યક્ષે ટ્રેકટર ચલાવ્યું: રેલી સંબોધીઃ જીએસટી અને નોટબંધીથી દેશની હાલત ખરાબ : ખેડૂતો માટે અલગ બજેટ બનશે અને કાયદો બદલાવશું

 નવી દિલ્હી : કોંગ્રેસ અધ્યક્ષ રાહુલ ગાંધીએ પંજાબના લુધિયાનામાં રેલીને સંબોધિત કરતા પહેલા ટ્રેકટર ચલાવ્યું હતું. આ દરમિયાન તેમની સાથે પંજાબના મુખ્યમંત્રી કેપ્ટન અમરિન્દર સિંહ અને પંજાબ કોંગ્રેસના ઇન્ચાર્જ આશા કુમારી પણ હતા.

 રાહુલ ગાંધીએ કહ્યું હતું કે લોકસભા ચૂંટણી સારી રીતે ચાલી રહી છે અને આ વખતે કોંગ્રેસ જીતશે

રાહુલ ગાંધીએ કહ્યું હતું કે સીટ કેટલી આવશે તે ઉપર હું વાત કરીશ નહીં. જોકે આ વખતે નવી સરકાર બનશે. દેશનો મૂડ પોઝિટિવ છે.

    રાહુલે કહ્યું હતું કે જીએસટી, નોટબંધી, ખેડૂતોની સ્થિતિથી દેશ ખરાબ થયો છે. સ્વામિનાથન રિપોર્ટ લાગુ કરવાના સવાલ પર કહ્યું હતું કે આ વિશે ખેડૂતો સાથે વાત કરશે. સ્વામિનાથન રિપોર્ટને સ્ટડી કરશે. ખેડૂતો માટે અલગ બજેટ બનશે અને કાયદા બદલીશું.