રિઝર્વ બેંક હવે આવશે સંસદને આધિન

રીઝર્વ બેંકનું કામકાજ સંસદની તપાસના દાયરામાં આવી શકે છેઃ સ્ક્રુટનીનો પ્રસ્તાવ

નવી દિલ્હી તા. ૧પ :.. રિઝર્વ બેંકનું કામકાજ ટૂંક સમયની અંદર સંસદના દાયરામાં આવી શકે છે. સંસદની સ્થાયી સમિતિએ નાણાકીય સંસ્થાઓનું નિરીક્ષણ તથા તેની ગુણવતા પર નજર રાખવા, મોંઘવારીને નિયંત્રીત કરતા દિશા-નિર્દેશો અને બેન્કીંગ સીસ્ટમના દેખાવને ધ્યાને રાખી આ પ્રકારનો પ્રસ્તાવ રાખ્યો છે.

નાણા બાબતોની સ્થાયી સમિતિના અધ્યક્ષ જયંત સિંહાએ આ વાત જણાવી હતી. રિઝર્વ બેંકના ગવર્નરે સમિતિ થકી સંસદને પોતાનો રીપોર્ટ આપવાનો રહેશે.

હાલના દિવસોમાં બેંક કૌભાંડો બહાર આવ્યા બાદ રિઝર્વ બેંકની ભારે ટીકા થઇ હતી.