દિલ્હીની કોર્ટમાં એક વકીલ વિરુદ્ધ ફોજદારી કાર્યવાહી શરૂ : જોર જોરથી બરાડા પાડી દલીલો કરી અને ન્યાયધીશની ચેતવણી છતાં ગેરવર્તણૂક ચાલુ રાખી : વકીલે લેખિત ખુલાસો આપવાનો ઇન્કાર કરતા ફોજદારી કાર્યવાહી શરૂ : 21 સપ્ટે.નારોજ સુનાવણી

 ન્યુદિલ્હી : દિલ્હીની કોર્ટમાં એક વકીલ વિરુદ્ધ ફોજદારી કાર્યવાહી શરૂ  કરવામાં આવી છે. જેના પર કોર્ટની ચેમ્બરમાં કથિત રીતે ગેરવર્તન કરવાનો અને જજની ચેતવણી છતાં ફિઝિકલ સુનાવણી દરમિયાન ફરિયાદી સાથે મોટેથી બોલવાનો આરોપ લગાવવામાં આવ્યો છે.

એડિશનલ સેશન્સ જજ શિવાજી આનંદ એક વ્યક્તિ વતી વચગાળાના જામીન માંગતા વકીલની દલીલો સાંભળી રહ્યા હતા જે દરમિયાન વકીલે સરકારી વકીલ પર તેમની મજાક ઉડાવવાનો આરોપ લગાવ્યો હતો. જોકે, વકીલને કોર્ટની વારંવાર ચેતવણી છતાં વકીલે પોતાનો જોરદાર અવાજ ચાલુ રાખ્યો હતો.

આવા વર્તનની ગંભીર નોંધ લઈને ન્યાયાધીશે વકીલ પાસેથી લેખિત ખુલાસો માંગ્યો હતો કે વારંવાર ચેતવણી આપવા છતાં તેણે તેના ગેરવર્તનથી કાર્યવાહીમાં કેમ અવરોધ ઉભો કર્યો. સુનાવણીની તારીખે, વકીલે કહ્યું હતું કે તેઓ આ મામલે કોઈ લેખિત ખુલાસો દાખલ કરવા માંગતા નથી.

આને ધ્યાનમાં રાખીને, ન્યાયાધીશે નીચે મુજબ આદેશ આપ્યો: "વકીલને સલાહ આપવામાં આવી હતી કે તેમનું આવું વલણ ગુના સમાન હોઈ શકે છે, તેમ છતાં તેમણે આ બાબતે કોઈ લેખિત અથવા મૌખિક ખુલાસો આપવાનો ઇનકાર કર્યો હતો. તેમનું આ પ્રકારનું કૃત્ય, તેથી આ સંદર્ભે આઇપીસીની કલમ 228 હેઠળ અને આઇપીસી અને કલમ 179 હેઠળ આગળની કાર્યવાહી અંગે પરચુરણ કેસ નોંધવો જોઇએ.

આ આદેશની નકલ અગાઉના 08/09/2021 ના આદેશની નકલ સાથે ઉપર જણાવેલ ફાઈલમાં રાખવી જોઈએ. આ મામલે 21/09/2021 ના રોજ સુનાવણી થશે. આ આદેશની નકલ ફરિયાદીને મોકલવી જોઈએ.
 
વકીલ તબીબી આધાર પર તેના ક્લાયન્ટ માટે વચગાળાના જામીન માંગી રહ્યા હતા કે 60 વર્ષીય વ્યક્તિ વિવિધ બીમારીઓ અને સ્વાસ્થ્ય સમસ્યાઓથી પીડિત હોવાથી તેને વચગાળાના જામીનનો લાભ આપવો જોઈએ. જો કે, કોર્ટે એ હકીકતની નોંધ લઈને વચગાળાના જામીન આપવાનો ઇનકાર કર્યો હતો કે તેની અગાઉની વચગાળાની જામીન અરજી કોર્ટે સમાન કારણોસર ફગાવી દીધી હતી..તેવું એલ.એલ.એચ.દ્વારા જાણવા મળે છે.