બોટલમાં પેટ્રોલ આપવાનો ઇન્કાર કરતા પેટ્રોલપમ્પની ઓફિસમાં ત્રણ સાપ છોડ્યા

આખી ઘટના સીસીટીવીમાં કેદ : ઓફિસમાં બેઠેલી મહિલા હેબતાઈ ગઈ

મુંબઈ : મહારાષ્ટ્રમાં બુલઢાણામાં એક વ્યક્તિએ પેટ્રોલ પમ્પની ઑફિસમાં જઈને ત્રણ સાપ છોડી દીધા હતા, એ એટલા માટે કારણકે પેટ્રોલ પમ્પના સ્ટાફે એને બોટલમાં પેટ્રોલ આપવાની ના પાડી હતી. આ ઘટના સીસીટીવીમાં કેદ થઈ ગઈ, જેને જોઇને તમને પણ આશ્ચર્ય થશે.

માથાફરેલ વ્યક્તિ ગુસ્સે હતો કે એને બોટલમાં પેટ્રોલ નહીં આપ્યું. બાદ તે પેટ્રોલ પમ્પની ઑફિસમાં ગયો અને સાપ છોડી દીધા. અંદર એક મહિલા બેઠી હતી. સાપ છોડી દેતા તે ઑફિસથી ભાગી ગઈ.

થોડા સમય બાદ સાપ પકડનારાને બોલાવવમાં આવ્યો અને એની મદદથી સાપને પકડવામાં આવ્યો. સાથે જ આ આખી ઘટનાનો વીડિયો સીસીટીવ કેમેરામાં કેદ થઈ ગયો છે.