અભ્યાસમાં તેજસ્વી પરંતુ જરૂરીયાતમંદ તેવી ભારતની વિદ્યાર્થીનીઓની વહારે ઇન્ડિયન અમેરિકન વિદ્યાર્થીની સજની વેદેરિઃ ‘STEM ALL STARS' નામક નોનપ્રોફિટ ઓર્ગેનાઇઝેશનની સ્થાપના કરી ૫૦,૦૦૦ ડોલરનું ડોનેશન આપ્યું: વિદ્યાર્થીનીઓને ડીજીટલ બોર્ડસ,કોમ્યુટર, સાયન્સ લેબ તથા લાયબ્રેરી સહિતની સુવિધાઓ મળશે
વર્જીનીઆઃ યુ.એસ.માં એલેકઝાન્ડ્રિયા વર્જીનીઆ ખાતેની થોમસ જેફરસન હાઇસ્કૂલ ફોર સાયન્સ એન્ડ ટેકનોલોજીની જુનીઅર સ્ટુડન્ટ ઇન્ડિયન અમેરિકન સજની વેદેરિએ ‘‘સ્ટેમ ઓલ સ્ટાર્સ'' નામક નોનપ્રોફિટ ઓર્ગેનાઇઝેશન બનાવ્યું છે જેના નેજા હેઠળ તેણે ભારતની વંચિત પરંતુ તેજસ્વી વિદ્યાર્થીનીઓને સાયન્સ, ટેકનોલોજી, એન્જીનીયરીંગ, તથા મેથેમેટીકસ (STEM) ક્ષેત્રે પ્રોત્સાહિત કરવા પચાસ હજાર ડોલરનું ડોનેશન ઘોષિત કર્યુ છે.
આ રકમનો ઉપયોગ ભારતની વંચિત પરંતુ તેજસ્વી તેવી યુવતિઓ માટે પચ્ચીસ ડીજીટલ બોર્ડસ, ૧૦૦ કોમ્યુટર, તેમજ ૨૧નવી સ્કુલોમાં લાઇબ્રેરીના નિર્માણ માટે કરાશે.
આ નવી ૨૧ સ્કૂલો પૈકી ૧૯ આંધ્રપ્રદેશમાં ૧ તેલંગણા, તથા ૧ કેરાલામાં છે હજુ ગયા વર્ષે એટલે કે ૨૦૧૭ની સાલમાં સજની દ્વારા સ્થપાયેલ નોનપ્રોફિટ સ્ટેમ ઓલ સ્ટાર્સએ અત્યાર સુધીમાં બે લાખ રૂપિયાનું ડોનેશન ભેગુ કરી ૧૫ હજાર વિદ્યાર્થીઓને બુકસ, કોમ્યુટર, ડીજીટલ બોર્ડ, સાયન્સ લેબ સહિતની સુવિધાઓનો લાભ આપ્યો છે.