તારા બોસ જોડે વાત કર તેમ કહીને મુંબઇના બાન્દ્રના અેક રેસ્ટોરન્ટમાં મહિલાઅે ફિલ્મી ઢબે ૨ લાખ ચોરી લીધા
મુંબઇઃ મુંબઇમાં મહિલા તસ્કરે રેસ્ટોરાંને નિશાન બનાવીને રૂપિયા ૨ લાખની ચોરી કરીને નાસી છૂટતા પોલીસે સીસીટીવી ફુટેજના આધારે શોધખોળ હાથ ધરી છે.
2 એપ્રિલે બપોરના સમયે એક મહિલા ફોનમાં વાત કરતી કરતી નૉમ રેસ્ટોરાંમાં ઘૂસી હતી. મહિલાએ જીન્સ-ટીશર્ટ અને સનગ્લાસિસ પહેર્યા હતા. રેસ્ટોરાંમાં ઘૂસતાની સાથે જ તેણે કાઉન્ટર પર બેઠેલા શખ્સને કોમ્પ્યુટરનો ઉપયોગ કરવા દેવાની વિનંતી કરી. એણે ના પાડી તો મહિલાએ ફોન આગળ ધરીને કહ્યું કે તારા બોસ જોડે વાત કરો, એક ક્ષણ માટે ફોન કર્મચારીને બતાવીને પોતે ફરી ફોન પર વાત કરવા લાગી.
કર્મચારીને કંઇ સમજમાં ન આવતાં તેણે કોમ્પ્યુટર ઉપયોગ કરવા આપી દીધું. આરોપી યુવતી કાઉન્ટરની અંદર આવી ગઇ અને કોમ્પ્યુટર પર કામ કરવા લાગી. જેવો જ તેને મળ્યો કે તેણે કેશ કાઉન્ટર પરથી રોકડ રૂપિયા ચોરી લીધા. જે બાદ કામ થઇ ગયું હોય તેમ જણાવી તે રેસ્ટોરાંની બહાર નીકળીને ત્યાંથી ભાગી ગઇ.
થોડા સમય બાદ જ્યારે કેશ રજિસ્ટર ચેક કરવામા આવ્યું તો 2,,01,500 રૂપિયા ગાયબ હોવાનું જાણવા મળ્યું. સીસીટીવી ફૂટેજ ચેક કરવા પર ખબર પડી કે મહિલાએ ચોરી કરી હતી. જે બાદ 3 એપ્રિલના રોજ ખાર પોલીસ સ્ટેશનમાં FIR નોંધવામા આવી હતી. પોલીસ આ મામલે સાક્ષીઓના નિવેદન લઇ ચૂકી છે અને સીસીટીવી ફૂટેજની મદદથી મહિલાની ઓળખ કરી તેને શોધવાનો પ્રયત્ન કરવામાં આવી રહ્યો છે.