લેવડ-દેવડમાં અનિવાર્ય બનેલા અને ઓળખ પાનકાર્ડ ખોવાઈ જાય તો ઘેર બેઠા નવું બનાવવા ઓનલાઇન એપ્લિકેશન કેમ કરશો ??

ઇનકમ ટેક્સની પાન સર્વિસ વેબસાઇટ પર જરૂરી વિગતો ભરીને

 

નવી દિલ્હી :કોઈ પણ પ્રકારની લેવડદેવડમાં અનિવાર્ય બનેલું અને ઘણી વાર ઓળખ સંબંધિત દસ્તાવેજ તરીકે ઉપયોગમાં લેવાતું પાનકાર્ડ ખૉવાઈ જાય તો ? અથવા ક્યાંક ભૂલી જવાયું હોય તો ? તો તેને ઘેરબેઠા ફરીથી બનાવી શકો છો.ઘરે બેઠાં બેઠાં જ ઑનલાઇન તમે નવા પાન કાર્ડ માટે એપ્લાય કરી શકો છો.

   સૌપ્રથમ ઇનકમ ટેક્સની પાન સર્વિસ વેબસાઇટ પર જઈને  https://tin.tin.nsdl.com/pan/  પર ક્લિક કરી શકો છો.આ લિંક પર ક્લિક કરતા જ તમે હોમ પેજ પર પહોંચી જશો અને અહીં નવા પાન કાર્ડ માટે એપ્લાય કરી શકો છો નવા પાન કાર્ડનો વિકલ્પ પસંદ કરતાં જ તેમાં જરૂરી ડિટેલ ભરવાની રહેશે. તે માટે ફોર્મ 49A ભરવાનું રહેશે, જેમાં પોતાના નામ સિવાય જન્મ તારીખ લખવાની રહેશે.ફોર્મ સબમિટ કરતાં જ તમારી પાસે એક Acknowledgement નંબર આવશે. તેને તમારી પાસે સાચવીને રાખી મૂકો.

   આ રજિસ્ટ્રેશન નંબર સાથે એડ્રેસ પ્રૂફ અને ઓળખ પત્ર પણ આપવાનું રહેશે અને ત્યાર બાદ તેને આવકવેરા વિભાગમાં મોકલવાનું રહેશે. જોકે એક વાતનું ધ્યાન રાખવું પડશે કે, ફોર્મમાં જે જાણકારી આપવામાં આવી છે, તે તમારી ઓળખ અને સરનામાને મળતી આવે છે. આ રજિસ્ટ્રેશન સ્લિપ પર બે પાસપોર્ટ સાઇઝના ફોટો ચોંટાડવાના રહેશે.અને યાં જરૂરી હોય,ત્યાં સાઇન કરવી.
  નવા પાન કાર્ડ માટે ઓનલાઇન 96 રૂપિયા ભરવાના હોય છે. તે માટે નેટ બેન્કિંગ, ક્રેડિટ અને ડેબિટ કાર્ડનો ઉપયોગ કરી શકો છો. આ ઉપરાંત તમે ડિમાન્ડ ડ્રાફ્ટના માધ્યમથી આ ફી ચૂકવી શકો છો. જોકે તમારું સરનામું ભારતનું હશે તો જ તમને આ સુવિધા મળશે ચૂકવણી કરવાની સાથે જ તમને એક રસીદ આપવામાં આવશે, તેને રજિસ્ટ્રેશન રિસિપ્ટ સાથે જોડીને 15 દિવસોની અંદર NSDLને મોકલી દો. ફી જમા થતાં જ NSDL નવા પાન કાર્ડની અરજીને પ્રોસેસ કરવાનું શરૂ કરી દે છે. અરજીને ઑનલાઇન પણ ચેક કરી શકાય છે.