News of Wednesday, 14th February 2018
મહારાષ્ટ્ર અને ગુજરાતમાં પેટ્રોલ- ડિઝલનો સૌથી વધુ વપરાશ
નવી દિલ્હી, તા.૧૪ : દેશમાં પેટ્રોલ અને ડીઝલનો સૌથી વધુ વપરાશ સૌથી વધુ વસ્તી ધરાવતા રાજ્ય ઉત્તર પ્રદેશમાં નહીં પરંતુ, તે રાજ્યમાં છે જ્યાં લોકો પાસે પૈસા વધુ છે અને ઉદ્યોગ વધારે છે.
પેટ્રોલીયમ મંત્રાલયની સંસ્થા પેટ્રોલીયમ પ્લાનીંગ અને એનાલીસીસ સેલના આંકડા અનુસાર, નાણાકિય વર્ષ ૨૦૧૬-૧૭ દરમિયાન દેશભરમાં પેટ્રોલીયમ ઉત્પાદનોનો સૌથી વધુ વપરાશ મહારાષ્ટ્રમાં થયો છે. અનેે બીજા ક્રમે ઉપર ગુજરાત અને ત્રીજા ક્રમે ઉત્તર પ્રદેશ આવે છે.
કેટલાક રાજ્ય એવા છે જ્યાં વસ્તી તો ઓછી છે પરંતુ પ્રતિ વ્યકિત આવક વધુ હોવાથી અને ઉદ્યોગ વધારે હોવાના કારણે ત્યાં પેટ્રોલ -ડીઝલનો વપરાશ વધુ થાય છે.
(4:50 pm IST)