હવે ૧૬ જાન્યુઆરી નેશનલ સ્ટાર્ટ અપ-ડે તરીકે ઉજવાશે
વડાપ્રધાન મોદીએ સ્ટાર્ટઅપ ઇકોસિસ્ટમને મજબૂત બનાવવા અપીલ કરી
નવી દિલ્હી તા. ૧૫ : વડાપ્રધાન નરેન્દ્ર મોદીએ આજે શનિવારે દેશમાં સ્ટાર્ટઅપ ઇકોસિસ્ટમને મજબૂત બનાવવા હાકલ કરી હતી.ﾠદેશભરના સ્ટાર્ટઅપ્ સાથેની વાતચીત દરમિયાન તેમણે જણાવ્યું હતું કે, સ્ટાર્ટ-અપની સંસ્કૃતિને દેશના છેવાડાના ખૂણે-ખૂણે પહોંચે તે માટે ૧૬ જાન્યુઆરીએ હવે તેને શ્નનેશનલ સ્ટાર્ટ-અપ ડેઙ્ખ તરીકે ઉજવવાનું નક્કી કરવામાં આવ્યું છે.
આજે વીડિયો કોન્ફરન્સિંગ દ્વારા પીએમ મોદીએ કહ્યું કે અમારો પ્રયાસ દેશમાં બાળપણથી જ વિદ્યાર્થીઓમાં ઈનોવેશનને આકર્ષવાનો છે.ﾠનવીનતાને સંસ્થાકીય બનાવવા માટે. ૯,૦૦૦થી વધુ અટલ ટિંકરિંગ લેબ શાળાઓમાં બાળકોને નવીનતા લાવવા, નવા વિચારો પર કામ કરવાﾠતક આપવામાં આવશે.
મોદી સરકારની મુખ્ય પહેલ સ્ટાર્ટઅપ ઈન્ડિયાના છઠ્ઠા વર્ષમાં કૃષિ, આરોગ્ય, એન્ટરપ્રાઈઝ સિસ્ટમ્સ, અવકાશ, ઉદ્યોગ ૪.૦, સુરક્ષા, ફિનટેકﾠઅને પર્યાવરણ સહિતના વિવિધ ક્ષેત્રના સ્ટાર્ટઅપ્સ વડાપ્રધાન મોદીને મળ્યા હતા. દેશના ૧૫૦ સ્ટાર્ટઅપ્સને છ કાર્યકારી જૂથોમાં વહેંચવામાં આવ્યા છે.
વડા પ્રધાન નરેન્દ્રﾠમોદીની સામે આ જૂથ, ગ્રોઇંગ ફ્રોમ રૂટ્સ, નડિંગ ધ ડીએનએ, લોકલથી ગ્લોબલ, ટેક્નોલોજી ઓફ ધ ફયુચર, બિલ્ડીંગ ચેમ્પિયન્સ ઇન મેન્યુફેક્ચરિંગ અનેﾠટકાઉ વિકાસ અંગે પ્રેઝન્ટેશન આપશે.ﾠદરેક ગ્રુપે નિર્ધારિત સમયની અંદર પીએમ મોદી સામે પ્રેઝન્ટેશન આપવાનું રહેશે. પીએમ મોદી અને સ્ટાર્ટઅપ્સ વચ્ચેﾠવાર્તાલાપનો હેતુ એ સમજવાનો છે કે કેવી રીતે સ્ટાર્ટઅપ્સ દેશની જરૂરિયાતોમાં સફળતાપૂર્વક યોગદાન આપી શકે છે.
ગ્લોબલ ઈનોવેશન ઈન્ડેક્સમાં થયેલા સુધારાનો ઉલ્લેખ કરતા પીએમ મોદીએ કહ્યું કે ઈનોવેશનને લઈને ભારતમાં ચાલી રહેલા અભિયાનની અસર એ છે કે ગ્લોબલ ઈનોવેશન ઈન્ડેક્સમાં ભારતની રેન્કિંગમાં પણ ઘણો સુધારો થયો છે. વર્ષ ૨૦૧૫માં ભારત આ રેન્કિંગમાં ૮૧મા નંબરે હતું. હવે ઈનોવેશન ઈન્ડેક્સમાં ભારત ૪૬માં નંબર પર છે.