BSNLની જબરી ઓફર આજે સમાપ્ત : ૨૩૯૯ના પ્રીપેઇડ પ્લાન સાથે ૯૯ દિવસની વધારાની વેલિડીટી : કુલ ઓફર ૪૫૫ દિવસની
રાજકોટ તા. ૧૫ : બીએસએનએલ તેના લાંબા ગાળાના રિચાર્જ પ્લાન સાથે વધારાની વેલીડિટી ઓફર કરી રહી છે. પરંતુ આ ઓફર મર્યાદિત સમય માટે જ છે. જે ઓફર વિશે વાત કરી રહ્યા છીએ તે આજે ૧૫ જાન્યુઆરી, ૨૦૨૨ સુધી જ માન્ય રહેશે. આનો અર્થ એ છે કે વપરાશકર્તાઓ પાસે આ ઓફર સાથે રિચાર્જ કરવા માટે એક દિવસ જ છે, કારણ કે તે પછી, તેઓ આ પ્લાન સાથે વધારાની ‘૯૦ દિવસ' વેલીડિટી પ્રાપ્ત કરશે નહીં. બીએસએનએલ તેના રૂ. ૨૩૯૯ના પ્રીપેડ પ્લાન સાથે ૯૯ દિવસની વધારાની વેલીડિટી ઓફર કરી રહી છે. .
આમ વર્તમાન ઓફર સાથે, પ્રીપેડ પ્લાનની કુલ માન્યતા ૪૫૫ દિવસની હશે.
આ યોજના સાથે, વપરાશકર્તાઓને ભારતમાં કોઈપણ નેટવર્ક પર ૧૦૦ એસએમએસ/પ્રતિ દિવસ અને અમર્યાદિત વોઇસ કોલિંગ સાથે ૩ જિબી દૈનિક ડેટા મળે છે. ૪૫૫ દિવસની વેલિડિટી સાથે આ પ્લાનમાં કુલ ૧૩૬૫ જીબી ડેટા મળશે. બીએસએનએલના રૂ. ૨૩૯૯ના પ્લાનની બરોબરીમાં પ્રાઈવેટ ઓપરેટરો દ્વારા ઓફર કરવામાં આવતો અન્ય કોઈ પ્લાન નથી. જીઓ તરફથી લાંબા ગાળા માટે દૈનિક ૩ જિબી ડેટા પ્રીપેડ પ્લાન છે, પરંતુ તે એટલું પોસાય એવું નથી અને ગ્રાહકોને ૪૫૫ દિવસની વેલિડિટી ઓફર કરતું નથી.