કોમેડિયન કપિલ શર્મા પર બનશે બાયોપિક 'ફનકાર' : ફ્લોર પરથી અર્શ સુધી પહોંચવાની બતાવશે સ્ટોરી

'ફુકરે'ના દિગ્દર્શક મૃગદીપ સિંહ લાંબા કપિલ શર્માની બાયોપિકનું નિર્દેશન કરશે

મુંબઈ :એક્ટર અને ફેમસ કોમેડિયન કપિલ શર્માના ફેન્સ માટે મોટા સમાચાર સામે આવ્યા છે. નાના પડદા પર હંમેશા બધાને હસાવનાર કપિલ શર્મા સોશિયલ મીડિયા પર ટ્રેન્ડ કરી રહ્યો છે. કપિલ શર્મા પર એક બાયોપિક બનાવવામાં આવી રહી છે, જેમાં તેના ફ્લોર પરથી અર્શ સુધી પહોંચવાની સ્ટોરી બતાવવામાં આવશે. આ સમાચાર સામે આવતાની સાથે જ ફેન્સ અને સેલેબ્સ પણ ખૂબ જ ઉત્સાહિત છે. ઘણા સેલેબ્સ પણ ખુલ્લેઆમ કપિલના ફેન હોવાની વાત વ્યક્ત કરી ચૂક્યા છે.

ટ્રેડ એનાલિસ્ટ તરણ આદર્શે સોશિયલ મીડિયા પર પોસ્ટ કરી હતી અને તે પોસ્ટમાં તેમણે જણાવ્યું હતું કે કપિલ શર્માની બાયોપિક બની રહી છે. મળતી માહિતી મુજબ, 'ફુકરે'ના દિગ્દર્શક મૃગદીપ સિંહ લાંબા કપિલ શર્માની બાયોપિકનું નિર્દેશન કરશે. કહેવામાં આવી રહ્યું છે કે કપિલ શર્માની બાયોપિકનું નામ 'ફનકાર' હશે.