પશ્ચિમ બંગાળમાં કોરોનાના 22,645 નવા પોઝીટીવ કેસ નોંધાયા: 28 લોકોના મોત

ચેપનો દર ઘટ્યો ગુરુવારે 32.13 ટકાની સામે શુક્રવારે 31.14 ટકા રહ્યો: કોલકાતામાં છેલ્લા 24 કલાકમાં સૌથી વધુ 6,867 નવા કેસ

કોલકતા :પશ્ચિમ બંગાળમાં કોવિડ-19ના 22,645 નવા કેસ નોંધાયા હતા રાજ્યમાં રોગચાળાથી પ્રભાવિત લોકોની કુલ સંખ્યા અત્યાર સુધીમાં 18,63,697 થઈ છે. સ્વાસ્થ્ય વિભાગે જારી કરેલા બુલેટિનમાં આ જાણકારી આપી છે.

વિભાગ અનુસાર ગુરુવારની સરખામણીમાં શુક્રવારે 822 કેસ ઓછા આવ્યા છે. બુલેટિન અનુસાર, ડિસેમ્બર મહિનામાં શરૂ થયેલી મહામારીની ત્રીજી લહેરથી, શુક્રવારે રાજ્યમાં ચેપને કારણે અત્યાર સુધીમાં 28 લોકોના મોત થયા છે.આ સાથે રાજ્યમાં રોગચાળાને કારણે જીવ ગુમાવનારા લોકોની કુલ સંખ્યા વધીને 20,013 થઈ ગઈ છે.

વિભાગે કહ્યું કે ચેપનો દર ઘટ્યો છે અને તે ગુરુવારે 32.13 ટકાની સામે શુક્રવારે 31.14 ટકા રહ્યો છે, જ્યારે મૃત્યુ દર વધીને 1.07 ટકા થઈ ગયો છે. બુલેટિન મુજબ, કોલકાતામાં છેલ્લા 24 કલાક દરમિયાન સૌથી વધુ 6,867 નવા કેસ નોંધાયા છે, જ્યારે ઉત્તર 24 પરગણા જિલ્લામાં 4,018 લોકો સંક્રમિત થયા હોવાની પુષ્ટિ થઈ છે.