હવે એન્ડ્રોઇડ ફોનને બે વર્ષ પહેલા બંધ કરાયેલા સોફ્ટવેરથી હેક કરવાની તૈયારી
એડોબ ફ્લેશ પ્લેયરની મદદથી એન્ડ્રોઇડ ફોનને હેક કરવાનો પ્રયાસ
મુંબઈ : PDF ની મૂળ કંપની Adobe છે અને Adobe Flash Player તેમની પ્રોડક્ટ હતી. આ કંપની વર્ષ 2020 માં જ બંધ થઈ ગઈ છે, પરંતુ હેકર્સ તેના નામ પર તમારી સાથે છેતરપિંડી કરી શકે છે. એવી માહિતી સામે આવી છે કે એડોબ ફ્લેશ પ્લેયરની મદદથી એન્ડ્રોઇડ ફોનને હેક કરવાનો પ્રયાસ કરવામાં આવી રહ્યો છે
. એવું જાણવા મળ્યું છે કે તમારા Android ફોનને Adobe Flash Player જેવા દેખાતા "Flu Bot" નામના માલવેરથી હાઇજેક કરી શકાય છે. Adobe Flash Player એ કંપનીનું ખૂબ જ લોકપ્રિય ઉત્પાદન હતું, જેનો તમે સ્માર્ટફોનથી લઈને તમારા કમ્પ્યુટર પર ઉપયોગ કર્યો જ હશે. તેને સત્તાવાર રીતે બંધ કરવામાં આવે તે પહેલાં, તે Android સ્માર્ટફોનમાં પણ સામાન્ય હતું. એક સમાચાર અનુસાર, હેકર્સ એસએમએસ દ્વારા Adobe Flash Player ડાઉનલોડ કરવા માટે એક APK ફાઇલ મોકલી રહ્યાં છે.
અત્રે ઉલ્લેખનીય છે કે એપીકે ફાઈલ ગૂગલ પ્લે સ્ટોર પરથી અલગ-અલગ એપ્સ ડાઉનલોડ કરવાની બીજી રીત છે. સામાન્ય રીતે એપીકે ફાઇલમાંથી પણ એપ ડાઉનલોડ કરવાની સલાહ આપવામાં આવતી નથી. સાથે જ એડોબ જેવા દિગ્ગજને SMS દ્વારા સોફ્ટવેર મોકલવાની શું જરૂર છે. તે સ્પષ્ટ છે કે સાયબર ગુનેગારો લોકપ્રિય સોફ્ટવેરના નામે હેકિંગ કરી રહ્યા છે.