દક્ષિણ આફ્રિકાના પ્રવાસ દરમ્યાન ક્રિકેટર શમી ક્યાં રોકાયો હતો, કઇ કઇ જગ્યાઓની મુલાકાત લીધી હતી, કોઇ મહિલા સાથે સંબંધ બાંધ્યો હતો સહિતના મુદ્દે કોલકાતા પોલીસ દ્વારા તપાસનો ધમધમાટ
કોલકાતાઃ ક્રિકેટર શમીના દક્ષિણ આફ્રિકા સિરીઝ દરમ્યાન કોની સાથે કેવા સંબંધો રહ્યા હતાં અને તે કઇ કઇ જગ્યાની મુલાકાત લીધી હતી, કોઇ મહિલા સાથે સંબંધ બાંધ્યો હતો કે નહીં તે સહિતના મુદ્દે કોલકાતા પોલીસે શમીનો ફોન જપ્ત કરીને તપાસનો ધમધમાટ શરૂ કર્યો છે.
આ પહેલાં કોલકાતા પોલીસે બીસીસીઆઇ પાસે તેની ફાઇલ મગાવી વધુ જાણકારી માગી છે.
દ.આફ્રિકા સિરીઝ દરમિયાન શમી ક્યાં રોકાયો હતો? કઈ કઈ જગ્યાઓની મુલાકાત લીધી હતી. આ તમામ માહિતીનો રિપોર્ટ માગ્યો છે. બીસીસીઆઇએ આ કેસમાં શું પગલાં લીધા છે તે જાણવા મળ્યું નથી. બોર્ડના એક અધિકારીએ જણાવ્યું કે, અમે પગલાં લઈશું પણ હજુ સુધી કંઈ કહી શકાય એમ નથી.
હસિને જણાવ્યા પ્રમાણે મોબાઇલમાં શમી અને અન્ય મહિલાઓ વચ્ચે થયેલી વાતચીતની કોલ ડિટેઇલ અને ચેટ ડિટેઇલ મળી આવી છે. હસિને દાવો કર્યો છે કે શમીએ દક્ષિણ આફ્રિકાની મહિલા સાથે પણ સંબંધ બનાવ્યો હતો. શમીએ ભાઈ સાથે મારી હત્યાનું કાવતરું ઘડયું હતું.
જેમાં હત્યા કરીને લાશ જંગલમાં ફેંકી દેવાનો પ્લાન હતો. જોકે, દુબઇમાં શમીના સંબંધોનો આરોપ લગાવવામાં આવ્યો હતો. જેમાં તેને ફિક્સિંગ માટે પૈસાનો મામલો હતો અને અલિસ્બા નામની છોકરી સાથે શારીરિક સંબંધો હતા.
તે પોતાના રૂમમાં પાકિસ્તાની અને દુબઇની છોકરીઓને બોલાવતો હતો. શમીના સંબંધીઓએ હસિનાના વકીલ સાથે મુલાકાત કરી હતી. તેઓ ઇચ્છે છે કે આ મામલો કોર્ટ સુધી ન પહોંચે. વકીલને આ વાતનો સ્વીકાર કર્યો છે પરંતુ પોતાના તરફથી કોઈ પ્રકારની પ્રતિક્રિયા આપી નથી.