લોન એપ પર લગામ લગાડવા કેરળ સરકાર બનાવશે કાયદો :રાજ્યમાં અત્યાર સુધીમાં ઓછામાં ઓછા 63 કેસ નોંધાયા
ક્રાઈમ બ્રાન્ચને રાજ્યના કેટલાક ભાગોમાં ઓનલાઇન લોન એપ છેતરપિંડીના કેસોની તપાસ કરવાનો આદેશ
કેરળના ઉદ્યોગ મંત્રી ઇપી જયરાજને મંગળવારે જણાવ્યું હતું કે, રાજ્ય સરકાર લોન એપ પર લગામ લગાવવા માટે કાયદો ઘડવા પર વિચાર કરી રહી છે. તેમણે જણાવ્યું હતું કે, આ સંબંધમાં રાજ્યમાં અત્યાર સુધીમાં ઓછામાં ઓછા 63 કેસ નોંધાયા છે.
જયરાજને વિધાનસભામાં કોંગ્રેસના ધારાસભ્ય સબરીનાથ દ્વારા રજૂ કરવામાં આવેલા અપીલ પ્રસ્તાવ પર જણાવ્યું હતું કે, એકમાત્ર એપ ઓપરેટરો દ્વારા કરવામાં આવતી અનિયમિતતાઓ સરકારના ધ્યાનમાં આવી છે. પોલીસે જણાવ્યું હતું કે, રાજ્યની બહારથી ઓછામાં ઓછી 400 એપ્સ કાર્યરત છે. જયરાજને જણાવ્યું હતું કે, 63 કેસ નોંધવામાં આવ્યા છે અને બે કેસ ક્રિમિનલ બ્રાન્ચની તપાસ હેઠળ છે. મંત્રીએ જણાવ્યું હતું કે, સરકાર આ લોન એપ્લિકેશન્સ પર લગામ લગાવવા માટે કાયદો લાવવા વિચારી રહી છે.
સબરીનાથે માગણી કરી હતી કે રાજ્ય સરકારે આ અંગે વ્યાપક કાયદો લાવવો જોઈએ જેથી રાજ્યના યુવાનોને ધિરાણ એપ્લિકેશનને કારણે સામાજિક સમસ્યાઓનો સામનો કરી શકાય. આ અગાઉ કેરળના પોલીસ વડાએ તાજેતરમાં ક્રાઈમ બ્રાન્ચને રાજ્યના કેટલાક ભાગોમાં ઓનલાઇન લોન એપ છેતરપિંડીના કેસોની તપાસ કરવાનો આદેશ આપ્યો હતો