‘જીન્સ પહેરાય... હવે તારા લગ્ન થઇ ગયા છે': પતિએ ટોકી તો ગુસ્સામાં પત્નીએ કરી હત્યા
ઝારખંડની ચોંકાવનારી ઘટના
જામતારા તા. ૧૧ : ઝારખંડના જામતારામાં જયારે એક પતિએ તેની નવી પરણેલી પત્નીને જીન્સ પહેરવાથી રોકી ત્યારે ગુસ્સે થયેલી મહિલાએ તેના પતિની હત્યા કરી નાખી. મહિલાએ તેના પતિ પર ચાકુ વડે હુમલો કર્યો, જે બાદ તેનું હોસ્પિટલમાં મોત થયું.
ઝારખંડના જામતારામાંથી એક ચોંકાવનારી ઘટના સામે આવી છે. એક મહિલાએ તેના પતિની હત્યા ફક્ત એટલા માટે કરી કે તેણે તેને જીન્સ પહેરવાની મનાઈ કરી હતી. આનાથી ગુસ્સે થઈને પત્નીએ પતિને ઢોર માર માર્યો હતો.
ઘટના જામતારા પોલીસ સ્ટેશન વિસ્તારના જોડભીટા ગામની છે. ગામની રહેવાસી આંદોલન ટુડુના લગ્ન બે મહિના પહેલા પુષ્પા હેમરામ સાથે થયા હતા. મંગળવારે રાત્રે પુષ્પા હેમબ્રોમ જીન્સ પહેરીને મેળો જોવા ગોપાલપુર ગામે ગઈ હતી. જયારે તે પાછી આવી ત્યારે તેના પતિએ વાંધો ઉઠાવ્યો હતો અને કહ્યું હતું કે હવે તું પરિણીત છે અને જીન્સ પહેરીને મેળો જોવા જતી નથી.
બસ આ કારણે તેની પત્નીએ ગુસ્સામાં આવીને તેના પર છરી વડે હુમલો કર્યો, જેના કારણે તે ગંભીર રીતે ઘાયલ થયો. પરિવારના સભ્યો ઈજાગ્રસ્ત હાલતમાં યુવકને ધનબાદ પીએમસીએચ લઈ ગયા જયાં તેનું મૃત્યુ થયું.
મૃતકના પિતા કર્ણેશ્વર ટુડુએ જણાવ્યું કે પુત્ર અને પુત્રવધૂ વચ્ચે જીન્સ પહેરવાને લઈને ઝઘડો થયો હતો અને આ ઝઘડામાં પુત્રવધૂએ તેના પુત્રની ચાકુ મારીને હત્યા કરી નાખી હતી. મહિલાએ ચાકુ મારવાનો ગુનો પણ સ્વીકાર્યો છે. આ હત્યા બાદ પોલીસે સમગ્ર મામલાની તપાસ શરૂ કરી છે.
જામતારા પોલીસ સ્ટેશનના પ્રભારી અબ્દુલ રહેમાને જણાવ્યું હતું કે ઘટનાની જાણ કરવામાં આવી હતી પરંતુ સારવાર દરમિયાન મૃત્યુને કારણે આ ઘટનાના સંબંધમાં ધનબાદમાં એફઆઈઆર નોંધવામાં આવી છે. સમગ્ર મામલાની તપાસ કરવામાં આવી રહી છે.