નવી દિલ્હીની સરકારી સ્કૂલમાં બીજા ધોરણની બાળા ઉપર ઇલેક્ટ્રીશ્યન રામ આસરે દુષ્કર્મ આચર્યુઃ ધરપકડ
નવી દિલ્હીઃ દિલ્હીમાં એક સરકારી સ્કૂલમાં બીજા ધોરણમાં અભ્યાસ કરતી બાળકી દુષ્કર્મનો ભોગ બની છે. ઘટનાના પગલે પોલીસે આરોપીની ધરપકડ કરી ગુનો નોંધી આગળની કાર્યવાહી હાથ ધરી છે. બાળકી પર કુકર્મ આચરનાર બીજુ કોઈ નહી પણ સ્કૂલનો જ ઈલેક્ટ્રીશ્યન છે. આરોપી ઇલેક્ટ્રિશિયન બાળકીનું મોં દબાવીને તેને વોટર પંપ પાસે લઈ ગયો અને ત્યાં કુકર્મ આચર્યુ હતું. જો કે, હાલ પોલીસે ગુનો નોંધી આગળની કાર્યવાહી હાથ ધરી છે.
આ ઘટનાની જાણ ત્યારે થઇ જ્યારે બાળકીના પ્રાઇવેટ પાર્ટથી બ્લડિંગ થયું. પોલીસે જણાવ્યું કે, સ્કૂલની રજા થયા બાદ આરોપી બાળકીને સ્કૂલના પંપ હાઉસની અંદર લઇ ગયો જ્યાં તેમણે માસૂમ બાળકીને પીંખી નાખી.
જ્યારે બાળકી ઘરે પહોંચી ત્યારે તેણે કોઇને કહ્યું નહીં, પરંતુ રાત્રે તેને બ્લડિંગ થવા લાગ્યું. તેની તબિયત ખરાબ થઇ તો તેને હોસ્પિટલ લઇ ગયા. ડોક્ટરે બાળકી સાથે રેપ થયાની વાત કહી. જેની જાણકારી તાત્કાલિક પોલીસને આપવામાં આવી હતી.
બાળકીએ જણાવ્યું કે, લાલ શર્ટ પહેરેલા એક અંકલ તેને પોતાની સાથે લઇ ગયા હતા. જ્યાં પોલીસે સ્કૂલ સંચાલક સાથે વાત કરી અને પછી તપાસ કરી તો ઇલેક્ટ્રિશિયન રામ આસરેએ રેપ કર્યાની વાત સામે આવી. ત્યારબાદ પોલીસે તેની ધરપકડ કરી લીધી હતી.