કેન્દ્રીય કર્મચારીઓને જુલાઈથી મોંઘવારીનો હપ્તો મળવા લાગશે
કેન્દ્રીય કર્મીઓના આગામી છ મહિના શાનદાર રહેશે : કર્મીઓને મોંઘવારી ભથ્થાનાં કુલ ૩ હપ્તાની ચૂકવણી થશે
નવી દિલ્હી, તા. ૧૦ : કેન્દ્રીય કર્મચારીઓ માટે આગામી ૬ મહિના શાનદાર બની રહેશે. કર્મચારીઓની એપ્રેઝલ વિંડો જૂનનાં અંત સુધી ખુલ્લી છે, જેમાં તેમને સેલ્ફ એસેસમેન્ટ ભરવાનું છે. આ ઉપરાંત જુલાઇથી મોંઘવારી ભથ્થાનો હપ્તો પણ મળવાનું શરૂ થઇ જશે. તમામ કર્મચારીઓને મોંઘવારી ભથ્થા (ડીએ) નાં કુલ ત્રણ હપ્તાની ચૂકવણી થશે.
આમાં ૧ જાન્યુઆરી ૨૦૨૦, ૧ જુલાઈ ૨૦૨૦ અને ૧ જાન્યુઆરી ૨૦૨૧ નાં વધારોનો પણ સમાવેશ થશે. જુના ભથ્થાને સુધારીને ૧ જુલાઈ ૨૦૨૧ થી નવું ભથ્થું લાગુ કરવામાં આવવાનું છે. ડીએ ઉપરાંત ટ્રાવેલ એલાઉન્સ અને સિટી એલાઉન્સમાં પણ વધારો કરી શકાય છે. આ સિવાય બીજી પણ ઘણી અપેક્ષાઓ છે. એક વાક્યમાં, સમજો કે જુલાઈમાં કેન્દ્રીય કર્મચારીઓનાં પગારમાં બમ્પર વધારો થવાનો છે.
કેન્દ્રીય કર્મચારીઓના મોંઘવારી ભથ્થા (ડીએ)માં ૪ ટકાનો વધારો થવાની ધારણા છે. ઉલ્લેખનિય છે કે કેન્દ્ર સરકારના કર્મચારીઓને હાલમાં ૧૭ ટકાના દરે ડિયરનેસ એલાઉન્સ (ડીએ વધારો) મળે છે. ડીએનો આ જ દર જુલાઈ ૨૦૧૯ થી લાગુ થશે અને તેમાં જાન્યુઆરી ૨૦૨૦ થી ફેરફાર થવાનો બાકી છે. એટલે કે, જાન્યુઆરી ૨૦૨૦, જૂન ૨૦૨૦ અને જાન્યુઆરી ૨૦૨૧ ના ત્રણ હપ્તાની ચુકવણી બાકી છે. એટલે કે, ઉપરાંત ૨૦૨૧ માટેનું ડીએ પણ વધવાનું છે. એવું અનુમાન કરવામાં આવી રહ્યું છે કે જૂન ૨૦૨૧ માં પણ ડીએમાં ૪ ટકાનો વધારો થઈ શકે છે. જોકે તેની જાહેરાત પછી કરવામાં આવશે.
જુલાઈમાં કેન્દ્રીય કર્મચારીઓ માટે ડિયરનેસ એલાઉન્સ (ડીએ) ઉપરાંત ટ્રાવેલ એલાઉન્સ અને સિટી એલાઉન્સસમાં પણ વધારો કરી શકાય છે. જ્યારે, નિવૃત્તિ માટે પ્રોવિડન્ટ ફંડ અને ગ્રેચ્યુઇટીમાં વધારાની અપેક્ષા છે. જો આવું થાય છે, તો તે તેમના માટે ડબલ ખુશીથી ઓછું કંઈ નહીં હોય. જો કે કર્મચારીઓની માંગ છે, તેઓને છેલ્લા ૧૮ મહિના એટલે કે ત્રણ હપ્તાનાં બાકીનાં એરિયરની પણ ચુકવણી થવી જોઈએ.
કેન્દ્રીય કર્મચારીઓની માંગ છે કે તેમને જાન્યુઆરી ૨૦૨૦ થી જૂન ૨૦૨૧ સુધીમાં એરિયરની પણ ચુકવણી કરવામાં આવે, પરંતુ, ઘણા મીડિયા રિપોર્ટમાં, સૂત્રો દ્વારા કહેવામાં આવ્યું છે કે સરકાર હાલમાં આ મૂડમાં નથી. કારણ એ છે કે કોરોનાને કારણે સરકારી તિજોરી પરનો બોજો ઘણો વધી ગયો છે. જો કે, આ મુદ્દે નાણાં મંત્રાલય અને કર્મચારી સંઘની એક બેઠક યોજાવાની છે, જેમાં આ સંદર્ભમાં હા અથવા ના નિર્ણય લેવાની આશા વ્યક્ત કરવામાં આવી રહી છે.
કેન્દ્રીય કર્મચારીઓ માટે આગામી ૬ મહિના ખુબ મહત્વપૂર્ણ છે કારણ કે તેમને બઢતી મળે તેવી સંભાવના છે. સેલ્ફ એસેસમેન્ટ જૂન સુધીમાં ભરવાનું છે. આ પછી ઓફિસર રિવ્યુ થાય છે અને પછી ફાઇલ આગળ વધે છે. જે કર્મચારીઓને બઢતી મળે છે, તેમનો પગાર પણ વધશે. સેલ્ફ એસેસમેન્ટનું મૂલ્યાંકન ડિસેમ્બર સુધીમાં પુરૂ થઇ જશે. કર્મચારીઓને બઢતી અને તેમના પગારમાં વધારો ૭ માં પગાર પંચની ભલામણો અનુસાર થશે.