ઓટો ડ્રાઈવરના દિકરાના ઘરે જમીન ઉપર બેસી વિરાટે ભોજન લીધુ
સિરાજની પોસ્ટ : થેંકયુ વીકે ભૈયા, યે મેરી જીંદગી કા અબતક કા સબસે બેહતરીન ગિફટ હૈઃ બેંગ્લોરની ટીમના બોલર સિરાજના ઘરે પાર્થિવ પટેલ, યુજવેન્દ્ર ચહલ અને વોશીંગ્ટન સુંદરે : પણ ભોજન માણ્યુ : ચહલે આઈપીએલમાં ૧૩ મેચમાંથી ૧૭ વિકેટો લીધી છે : પિતા રીક્ષા ચાલક છે
હૈદ્રાબાદ, તા.૧૧ : વિરાટની કેપ્ટનશીપવાળી આરસીબીની ટીમમાં ફાસ્ટબોલર મોહમ્મદ સિરાજ પણ છે. જેનું હોમટાઉન હૈદ્રાબાદ છે. તેના આમંત્રણથી વિરાટ સહિત ટીમના અનેક ખેલાડીઓએ ભોજનનો આનંદ માણ્યો હતો. પાર્થિવ પટેલ, યુજવેન્દ્ર ચહલ અને વોશિંગ્ટન સુંદર પણ સાથે હતા. આ ખેલાડીઓએ સિરાજના ઘરે હૈદ્રાબાદી બિરયાની સહિત અન્ય વાનગીઓની મજા માણી હતી. આ તમામ ખેલાડીઓએ જમીન ઉપર બેસી ભોજન લીધુ હતું. ફોટા શેર કરતા સીરાજે લખ્યુ હતું કે 'થેંકયુ, વીકે ભૈયા, યે મેરી ઝીંદગી કા અબતક કા સબસે બેહતરીન ગીફટ હૈ', અલ્હમદુલ્લિાહ, આપ સબ કા સ્વાગત કરના મેરે ઔર મેરે પરિવાર કે લીયે સૌભાગ્ય કી બાત રહી. અપના કિંમતી વકત નિકાલકર હમારે ઘર ડિનર પર આને કે લીયે આપ સભી ઘર ડિનર પર આને કે લીયે આપ સભી કા શુક્રીયા, યે બહુત માયને રખતા હૈ.
૧૩ માર્ચ ૧૯૯૪માં હૈદ્રાબાદમાં જન્મેલા સિરાજ ખૂબ જ સાધારણ પરિવારમાંથી આવે છે. સ્ટાર ક્રિકેટર બન્યા પહેલા તેના પિતા ઓટો રીક્ષા ચલાવતા હતા. ગત વર્ષે આઈપીએલમાં પસંદગી પામ્યા બાદ સિરાજે નવુ ઘર લીધુ. સીરાજના પરિવારમાં માતા - પિતા સાથે મોટોભાઈ પણ છે જે સોફટવેર એન્જિનયર છે.
મહામહેનતે આખો પરીવાર ગરીબીમાંથી બહાર આવ્યો છે. સિરાજે ૨૦૧૭માં આઈપીએલમાં ડેબ્યુ કર્યુ હતું. ૨.૬૦ કરોડમાં વેચાયો હતો. આઈપીએલમાં ૧૩ મેચોમાં ૧૭ વિકેટો લીધો છે. તેનું બેસ્ટ પર્ફોર્મન્સ ૩૨ રનમાં ૪ વિકેટ છે. ડોમેસ્ટીક ક્રિકેટમાં ૧૫ મેચમાં ૫૭ વિકેટો લીધી છે.(૩૭.૪)