ઉદેપુરમાં અંબાણી પરિવારના પ્રિ-વેડિંગ ફંકશન્સમાં નરેન્દ્રભાઇ મોદી, પ્રિયંકા ચોપરા, હિલેરી કિલન્ટન, જ્હોન કેરી સહિતના ગેસ્ટ આવશે
દેશના બે સૌથી મોટા બિઝનેસ ફેમિલી અંબાણી અને પિરામલ પરિવાર જોડાવા જઈ રહ્યા છે. કાલથી ઉદેપુરમાં ત્રણ દિવસ પ્રિ-વેડિંગ ફંક્શન્સ યોજાશે. આ પ્રસંગે આખી દુનિયામાંથી જાણીતી હસ્તીઓ ઉદેપુરની મહેમાન બનશે. ચર્ચા મુજબ યુ.એસ સેક્રેટરીઝ ઑફ સ્ટેટ હિલેરી ક્લિન્ટન અને જ્હોન કેરી પણ ગેસ્ટ લિસ્ટમાં શામેલ છે.
પ્રિયંકા, અરિજીત અને રહેમાન પરફોર્મ કરશેઃ
નવપરિણિત પ્રિયંકા ચોપરા સંગીતમાં ઈશા અંબાણી માટે ખાસ પરફોર્મન્સ આપવાની છે. ઈશા અને પ્રિયંકા ઘણા સારા ફ્રેન્ડ્સ છે. ઈશા ચોપરાની બેચલરેટ પાર્ટીમાં એમ્સટર્ડેમ પણ ગઈ હતી. આ ઉપરાંત સંગીતમાં અરિજીત સિંહ અને એ.આર રહેમાન પરફોર્મ કરશે.
વડાપ્રધાન મોદી પણ આવી શકે છેઃ
વડાપ્રધાન નરેન્દ્ર મોદી, મહારાષ્ટ્રના સી.એમ દેવેન્દ્ર ફડણવીસ, રાજસ્થાનના મુખ્યમંત્રી વસુંધરા રાજે, ઉત્તર પ્રદેશના ભૂતપૂર્વ મુખ્ય મંત્રી અખિલેશ યાદવ અને શિવસેનાના ઉદ્ધવ ઠાકરે જેવા રાજકારણીઓ મુકેશ અંબાણીના પ્રસંગમાં શામેલ થાય તેવી શક્યતા છે.
ઉદ્યોગ જગતઃ
વેપાર તથા ઉદ્યોગ જગતમાંથી રતન ટાટા, કુમાર મંગલમ બિરલા, ગૌતમ અદાણી જેવા દિગ્ગજો ઉદેપુર પહોંચવાના છે.
બચ્ચન પરિવાર શામેલ થશેઃ
ઉદેપુરમાં બોલિવુડની તમામ મોટી હસ્તીઓનો જમાવડો થશે. ઈશા-આનંદની પ્રિવેડિંગ સેરેમનીમાં શહેનશાહ અમિતાભ બચ્ચન પણ હાજરી પૂરાવશે.
આવી છે વ્યવસ્થાઃ
ઉદેપુરમાં માત્ર મહેમાનો જ નહિં, ઈશા-આનંદના પ્રસંગોનું આયોજન કરનારી ટીમના સભ્યો પણ પહોંચી રહ્યા છે. ચર્ચા મુજબ પ્રિયંકા-નિક અને વિરાટ-અનુષ્કાના લગ્નની ફોટોગ્રાફી કરનાર જોસેફ રધિક ઈશાના વેડિંગમાં ફોટોગ્રાફી કરશે. ઉપરાંત મહેમાનો માટે 1000 જેટલી લક્ઝરી કાર્સની વ્યવસ્થા કરાઈ છે.