૧૫ ઓગષ્ટે દેશને હચમચાવી નાખવાનું ષડયંત્ર નિષ્ફળ
કાશ્મીર : ૨૫ - ૩૦ કિલોગ્રામ IED મળી આવ્યું
શ્રીનગર તા. ૧૦ : સુરક્ષા દળોએ ૧૫ ઓગસ્ટ પહેલા દેશને હચમચાવી નાખવાના આતંકીઓના કાવતરાને નિષ્ફળ બનાવ્યો છે. જમ્મુ-કાશ્મીરના પુલવામામાંથી ૨૫ થી ૩૦ કિલો IED મળી આવ્યો છે. કાશ્મીર ઝોનના એડીજીપી વિજય કુમારે જણાવ્યું છે કે સવારે લગભગ ૭:૫૦ વાગ્યે પોલીસ અને સુરક્ષા દળોએ પુલવામાના સર્ક્યુલર રોડ પર તહાબ ક્રોસિંગ નજીકથી ૨૫ થી ૩૦ કિલોગ્રામ IED જપ્ત કર્યો છે. પુલવામા પોલીસને મળેલા વિશેષ ઇનપુટના કારણે મોટી દુર્ઘટના ટળી છે.
આજે સુરક્ષાદળોએ બડગામના વોટરહોલ વિસ્તારમાં આતંકી સંગઠન લશ્કરના ત્રણ આતંકીઓને ઘેરી લીધા છે અને એન્કાઉન્ટર ચાલી રહ્યું છે. આ આતંકવાદીઓમાં લતીફ રાથરનો પણ સમાવેશ થાય છે, જેઓ રાહુલ ભટ્ટ અને અમરીન ભટ્ટ સહિત અનેક નાગરિકોની હત્યામાં સામેલ હતા.
કાશ્મીરના કેટલાક વિસ્તારોમાં સુરક્ષાદળો અને આતંકવાદીઓ વચ્ચે દરરોજ અથડામણ થતી રહે છે. છેલ્લા કેટલાક દિવસોમાં સુરક્ષા દળો સાથેની અથડામણમાં ઘણા આતંકવાદીઓ માર્યા ગયા છે. જેના કારણે આતંકીઓ IED લગાવીને વિસ્ફોટ કરવાનો પ્રયાસ કરતા રહે છે.
આ પહેલા પણ પૂંચમાં જવાનોને એક IED મળી આવ્યો હતો, જેને સુરક્ષા દળોએ નિષ્ક્રિય કરી દીધો હતો. આ પહેલા એન્કાઉન્ટર સાઇટ ભાટા ધુરિયાનમાંથી બે IED મળી આવ્યા હતા. આ સિવાય સુરક્ષા દળોએ રાજૌરી વિસ્તારમાંથી ૫૯૧ ગોળીઓ પણ મળી આવી છે. તેઓ ગુરદાન બાલાના પાટિયન જંગલમાંથી મળી આવ્યા હતા. તે જાણીતું છે કે જયારથી આતંકવાદીઓએ ઘાટીમાં બિન-કાશ્મીરીઓને નિશાન બનાવવાનું શરૂ કર્યું છે, ત્યારથી સુરક્ષા દળો સાથેની અથડામણમાં ઘણા આતંકવાદીઓ માર્યા ગયા છે.
થોડા દિવસ પહેલા જ હરિયાણા એસટીએફએ કુરુક્ષેત્રમાં આતંક મચાવવાના ષડયંત્રનો પર્દાફાશ કર્યો હતો. એક આરોપીની ધરપકડ કરતી વખતે, STF અંબાલાની ટીમે તેની પાસેથી લગભગ દોઢ કિલોગ્રામ વિસ્ફોટક સામગ્રી જપ્ત કરી હતી. તેની પાસેથી દેશી બનાવટની બોમ્બ આકારની વસ્તુ, ટાઈમર અને ડિટોનેટર પણ મળી આવ્યા હતા. STFની ટીમે પંજાબના તરનતારન જિલ્લાના રહેવાસી શમશેર સિંહની કુરૂક્ષેત્રના શાહબાદમાં જીટી રોડ પર મળી આવેલા વિસ્ફોટકો સાથે ધરપકડ કરી છે. જિલ્લાના ડીએસપીએ જણાવ્યું કે આ આરડીએક્સ બનાવવા માટે હાઈલી એક્સપ્લોસાઈલનો ઉપયોગ કરવામાં આવ્યો હતો.