પતિના રૂપિયાથી પત્ની માટે ખરીદી કરાયેલ મિલ્કતની માલિકી પણ પતિની જ ગણાયઃ દિલ્હી હાઇકોર્ટનો ચૂકાદો
નવી દિલ્હીઃ હાઈકોર્ટે કહ્યું છે કે એક વ્યક્તિનો કાયદાકિય અધિકાર છે કે તે પોતાની આવકના સ્ત્રોતથી પત્નીના નામે અલગ સંપત્તિ ખરીદી શકે. આ રીતે ખરીદેલી સંપત્તિને બેનામી ન ગણી શકાય. દિલ્હી હાઈકોર્ટે કહ્યું કે આવી સંપત્તિની માલિક વ્યક્તિ એ જ કહેવાય જેણે પોતાની આવકથી ખરીદી હોય, નહીં કે જેના નામ પર હોય.
જસ્ટીસ વાલ્મીકિ જે. મહેતાની બેંચે એક વ્યક્તિની અપીલ મંજૂર કરીને આ ટિપ્પણી કરી અને ટ્રાયલ કોર્ટે તેના આદેશને રદ કરી દીધો જેના પર તે વ્યક્તિ પાસેથી બે સંપત્તિઓ પરનો હક રાખવાનો અધિકાર છીનવી લેવાયો હતો, જે તેણે પત્નીના નામે ખરીદી હતી. આ વ્યક્તિની માંગ હતી કે તેણે આ બન્ને સંપત્તિઓની માલિકીનો હક આપ્યો હતો, જે તેણે પોતાની આવકના સ્ત્રોતથી ખરીદી હતી. જેમાં એક ન્યૂ મોતી નગર અને બીજી ગુડગાંવના સેક્ટર -56માં હતી.
અરજકર્તાએ દાવો કર્યો કે આ બંને સંપત્તિઓનો સાચો માલિક તે છે, નહીં કે તેની પત્ની જેના નામ પર તેણે સંપત્તિ ખરીદી છે. પણ ટ્રાયલ કોર્ટે બેનામી ટ્રાન્ઝેક્શન (પ્રોહિબેશન) એક્ટ, 1988 હેઠળની જોગવાઈના આધારે આ અરજકર્તાનો અધિકાર જપ્ત કરી લીધો હતો, જેના હેઠળ સંપત્તિ રિકવર કરવાના અધિકાર પર પ્રતિબંધ છે. હાઈકોર્ટે ટ્રાયલ કોર્ટ સંબંધિત આદેશને રદ કરીને કહ્યું કે નીચલી કોર્ટ આ વ્યક્તિની અરજીને શરુઆતમાં ફગાવી દીધી હતી. કારણ કે સંબંધિત આદેશ જ્યારે પસાર કરાયો ત્યારે પ્રોહિબેશન ઓફ બેનામી સંપત્તિ ટ્રાન્ઝેક્શન એક્ટ, 1988 સંશોધન સાથે લાગુ હતું.
કોર્ટે કહ્યું કે આ સંશોધન કાયદામાં સાફ રીતે જણાવવામાં આવ્યું છે કે બેનામી ટ્રાન્ઝેક્શન શું છે અને એવી કઈ લેવડ-દેવડ છે જે બેનામી નથી. હાઈકોર્ટે કહ્યું, હાલમાં પ્રોપર્ટીનું પત્નીના નામ પર હક હોવો કાયદાકીય રીતે અપવાદમાં આવે છે. કારણ કે વ્યક્તિને કાયદો આ બાબતની પરવાનગી આપે છે કે તે પોતાની આવકના સ્ત્રોતથી પોતાના સ્પાઉસ (પતિ અથવા પત્ની)ના નામે સંપત્તિ ખરીદી શકે અને જે પરિસ્થિતિઓમાં આ સંપત્તિ ખરીદવામાં આવે છે, તેનાથી ખરીદવામાં આવેલી સંપત્તિ બેનામી નથી, પણ માલિક એટલે કે અરજકર્તા છે, પત્નીની નહીં કે જેના નામ પર સંપત્તિ ખરીદવામાં આવી છે. એટલે કે ટ્રાયલ કોર્ટનો આ સંબંધમાં આદેશ નિયમ વિરુદ્ધ છે.
આ મામલે ફરી વિચાર કરવા માટે ટ્રાયલ કોર્ટ પાસે કેસને મોકલીને હાઈકોર્ટે કહ્યું છે કે અરજકર્તાને સંબંધિત કાયદા હેઠળ છૂટ મળવાનો અધિકાર છે કે નહી, આ તથ્યોની તપાસનો મુદ્દો છે જે ટ્રાયલ કોર્ટ હેઠળ થશે. આવા કેસને શરુઆતમાં જ ફગાવી ના શકાય.