મુખ્ય સમાચાર
News of Wednesday, 10th February 2021

પેટ્રોલ-ડિઝલમાં ત્રણ દિવસ બાદ ફરી ૩૫ પૈસાનો વધારો

પેટ્રોલ-ડિઝલના ભાવ સેન્ચ્યુરીની નજીક પહોંચ્યા : મુંબઈમાં પેટ્રોલ ૯૩.૮૩ રુપિયા પ્રતિ લિટર પર જ્યારે દિલ્હીમાં તેના ભાવ ૮૭ રુપિયાના લેવલને વટાવી ગયા

નવી દિલ્હી, તા. : ત્રણ દિવસ બાદ દેશભરમાં પેટ્રોલ અને ડીઝલના ભાવમાં ફરી એકવાર આજે વધારો કરવામાં આવ્યો છે. વધારા સાથે મુંબઈમાં પેટ્રોલના ભાવ ૯૩.૮૩ રુપિયા પ્રતિ લિટર પર પહોંચી ગયો છે, જ્યારે રાજધાની દિલ્હીમાં તેના ભાવ ૮૭ રુપિયાના લેવલને વટાવી ગયો છે. આજે પેટ્રોલ અને ડીઝલ બંનેની કિંમતમાં ૩૫ પૈસાનો વધારો ઝીંકાયો છે. પેટ્રોલના ભાવમાં સતત થઈ રહેલા વધારાને કારણે મુંબઈ અને દિલ્હી જેવા શહેરોમાં તે ગમે ત્યારે સેન્ચ્યુરી મારે તેવી સ્થિતિ સર્જાઈ છે. અમદાવાદમાં પેટ્રોલનો ભાવ ૮૪.૫૭ રુપિયાના અત્યારસુધીના સર્વોચ્ચ સ્તર પર પહોંચી ગયો છે, અને હવે તે ૮૫ રુપિયાનું લેવલ તોડવાની તૈયારીમાં છે. જ્યારે સુરતમાં તેનો ભાવ આજે ૮૪.૨૪ રુપિયા થયો છે. રાજકોટમાં પેટ્રોલ આજે થયેલા વધારા બાદ ૮૪.૩૫ રુપિયા પ્રતિ લિટર પર પહોંચી ગયું છે. આજે ભાવ વધ્યા તે પહેલા છેલ્લે ૦૫ ફેબ્રુઆરીના રોજ પેટ્રોલમાં ૩૦ પૈસા વધ્યા હતા.

૨૦૨૧માં અત્યારસુધી પેટ્રોલના ભાવમાં અત્યારસુધી પ્રતિ લિટર રુ. .૫૯ જ્યારે ડીઝલમાં અત્યારસુધી .૬૧ રુપિયા વધી ચૂક્યા છે. બીજી તરફ, બ્રેન્ટ ક્રુડની કિંમત સોમવારે વધીને ૬૦ અમેરિકન ડોલર પર પહોંચી હતી. કોરોનાની અસર ઓછી થતાં અને વેક્સિનેશન શરું થઈ જતાં માગ વધવાની શક્યતાએ ક્રુડ એક વર્ષની સર્વોચ્ચ સપાટીએ પહોંચી ગઈ છે.

ગયા સપ્તાહે એચપીસીએલના વડા મુકેશ કુમારે જણાવ્યું હતું કે આંતરરાષ્ટ્રીય માર્કેટમાં ડિમાન્ડની સરખામણીએ સપ્લાય ઓછો હોવા ઉપરાંત સાઉદી દ્વારા પ્રોડક્શનમાં કાપ મૂકવામાં આવતા ક્રુડની કિંમતોમાં અણધાર્યો ઉછાળો આવી રહ્યો છે. તેમણે એમ પણ કહ્યું હતું કે રિટેલ પંપ પર વેચાતા પેટ્રોલ ડીઝલની માંડ ૨૫-૩૦ ટકા કિંમત ક્રુડની કિંમત પર આધારિત છે, જ્યારે તેમાં બાકીનો હિસ્સો રાજ્યો અને કેન્દ્ર સરકાર દ્વારા લેવાતા કરનો હોય છે.

ગયા સપ્તાહે પેટ્રોલિયમ મંત્રી ધર્મેન્દ્ર પ્રધાને રાજ્યસભામાં આપેલા લેખિત જવાબમાં જણાવ્યું હતું કે દિલ્હીમાં પ્રતિ લિટર પેટ્રોલ પર કેન્દ્ર સરકાર ૩૨.૯૮ રુપિયા ટેક્સ લે છે, જ્યારે રાજ્ય સરકાર તેના પર ૧૯.૫૫ રુપિયા વેટ વસૂલે છે. જ્યારે ડીઝલ પર કેન્દ્ર સરકાર ૩૧.૮૩ રુપિયા અને રાજ્ય સરકાર ૧૦.૯૯ રુપિયા વેટ વસૂલે છે.

સિવાય પ્રતિ લિટર પેટ્રોલ પર પેટ્રોલપંપના સંચાલકને . રુપિયા જ્યારે ડીઝલ પર રુપિયા કમિશન મળે છે. માર્ચ ૨૦૨૦ પછી રિટેલ પંપ પર મળતુંપેટ્રોલ ૧૭.૭૧ રુપિયા પ્રતિલિટર વધી ચૂક્યું છે, અને તેમાંહજુય વધારો થઈ રહ્યો છે. જ્યારે ડીઝલમાં ગાળા દરમિયાન ૧૫.૧૯ રુપિયાનો વધારો થયો છે.

(12:00 am IST)