'બિગ બી'એ કરાવ્યું રૂટિન ચેકઅપ, ફેલાઇ હતી અફવા

મુંબઇ તા. ૧૦ : તાજેતરમાં જ સુપરસ્ટાર અમિતાભ બચ્ચન વિશે રિપોર્ટ વાઇરલ થયાં હતાં કે તેમની તબિયત બગડવાને લીધે હોસ્પિટલમાં સારવાર હેઠળ હતાં. જોકે, આ વાત માત્ર અફવા જ સાબિત થઇ છે. એક રિપોર્ટ અનુસાર તેઓ રૂટિન ચેકઅપ માટે હોસ્પિટલમાં ગયા હતાં.

અમિતાભ બચ્ચન હંમેશની જેમ રૂટિન ચેકઅપ માટે લીલાવતી હોસ્પિટલમાં ગયાં હતાં. જોકે, આ પછી મીડિયામાં રિપોર્ટ આવ્યાં હતાં કે અમિતાભ બચ્ચનને તકલીફ હોવાના કારણે એડમિટ કરાયાં છે. જોકે, આ સમસ્યાથી પરેશાન બિગ બી અનેકવાર રૂટિન ચેકઅપ કરાવતાં જોવા મળ્યાં છે.

 નોંધનીય છે કે આજે જ અમિતાભ બચ્ચનની ફિલ્મ '૧૦૨ નોટઆઉટ'નું પહેલું ટીઝર સામે આવ્યું છે. આ ફિલ્મમાં તે ઋષિ કપૂર સાથે ૨૭ વર્ષ પછી જોવા મળશે. અમિતાભ બચ્ચન સોશિયલ મીડિયા પર પણ ખૂબ જ એકિટવ રહે છે. હાલ તેઓ આમિર ખાન સાથેની 'ઠગ્સ ઓફ હિંદોસ્તાં'ના શૂટિંગમાં બિઝી છે.

નોંધનીય છે કે ગત વર્ષે માર્ચમાં પણ અમિતાભ બચ્ચન બીમાર થયાં હતાં. તે સમયે અમિતાભે હોસ્પિટલમાંથી બહાર આવ્યાં પછી ટ્વિટરથી સ્વસ્થ હોવાની જાણકારી આપી હતી.(૨૧.૩)