ટેનિસ સ્ટાર જોકોવિચના વિઝા પુનઃસ્થાપિત કરતી ઓસી કોર્ટ

જોકોવિચનો ઓસ્ટ્રેલિયન સરકાર સાથે વિવાદ : સ્ટાર ખેલાડીએ કોરોનાની રસી ન લેવાના કારણે ગત અઠવાડિયે આવતાની સાથે જ રદ કરવામાં આવ્યો હતો]

સિડની, તા.૧૦ : ઓસ્ટ્રેલિયાના ન્યાયાધીશ એન્થોની કેલીએ વિશ્વના નંબર વન ટેનિસ ખેલાડી નોવાક જોકોવિચના વિઝા પુનઃસ્થાપિત કર્યા છે, જે કોરોનાની રસી ન લેવાના કારણે ગત અઠવાડિયે આવતાની સાથે જ રદ કરવામાં આવ્યો હતો. વિશ્વના નંબર વન ટેનિસ ખેલાડી નોવાક જોકોવિચ છેલ્લા કેટલાક સમયથી ઓસ્ટ્રેલિયાની સરકાર સાથે વિવાદમાં છે. હકીકતમાં, ઓસ્ટ્રેલિયન ઓપન માટે ઓસ્ટ્રેલિયા પહોંચેલા જોકોવિચને તેના કોવિડ રસીકરણનો પુરાવો ન દર્શાવવા બદલ સરકાર દ્વારા ઓસ્ટ્રેલિયન ઓપનમાંથી બહાર કાઢી દેવામાં આવ્યો હતો. આ સિવાય તેને ક્વોરેન્ટાઈન સેન્ટરમાં રાખવામાં આવ્યો હતો. જે પછી જોકોવિચે ત્યાંની કોર્ટમાં કેસ લડવાનું નક્કી કર્યું. ત્યારે, હવે કેસનો નિર્ણય આવી ગયો છે.

ઓસ્ટ્રેલિયાના ન્યાયાધીશ એન્થોની કેલીએ વિશ્વના નંબર વન ટેનિસ ખેલાડી નોવાક જોકોવિચના વિઝા પુનઃસ્થાપિત કર્યા છે, જે કોરોનાવાયરસ સામે રસી ન લેવાના કારણે ગયા અઠવાડિયે આવતાની સાથે જ રદ કરવામાં આવ્યો હતો. આ સિવાય જજે તેને ઓસ્ટ્રેલિયન ઓપનમાં રમવાની પરવાનગી પણ આપી દીધી છે. સર્કિટ કોર્ટના જજ એન્થોની કેલીએ સરકારને ચુકાદાની ૩૦ મિનિટની અંદર જોકોવિચને મેલબોર્નની ક્વોરેન્ટાઇન હોટેલમાંથી બહાર કાઢવાનો આદેશ આપ્યો હતો.

જોકોવિચે વિઝા કેન્સલ કરવાના નિર્ણયને ઓસ્ટ્રેલિયાની ફેડરલ સર્કિટ એન્ડ ફેમિલી કોર્ટમાં પડકાર્યો હતો. ઓસ્ટ્રેલિયન સરકારે બુધવારે મેલબોર્ન પહોંચતાની સાથે જ તેના વિઝા રદ કરી દીધા કારણ કે તે કોરોના રસીકરણ નિયમોમાં તબીબી મુક્તિના માપદંડોને પૂર્ણ કરતા ન હતા. જોકોવિચે કહ્યું કે તેણે રસીકરણનો પુરાવો આપવાની જરૂર નથી કારણ કે તેની પાસે પુરાવા છે કે તે ગયા મહિને કોરોના ચેપનો શિકાર હતો. જોકોવિચના કોર્ટમાં રજૂ કરાયેલા દસ્તાવેજો કહે છે કે તેને રસી આપવામાં આવી નથી. ઓસ્ટ્રેલિયાના મેડિકલ વિભાગે છ મહિનાની અંદર કોરોના સંક્રમણના પીડિતો માટે રસીકરણ માટે અસ્થાયી છૂટ આપી છે.

સર્કિટ કોર્ટના ન્યાયાધીશ કેલીને જાણવા મળ્યું કે જોકોવિચે મેલબોર્ન એરપોર્ટ પર ટેનિસ ઓસ્ટ્રેલિયા દ્વારા તેમને આપવામાં આવેલી તબીબી મુક્તિ અંગેના દસ્તાવેજો સત્તાવાળાઓને સોંપ્યા હતા. ન્યાયાધીશે જોકોવિચના વકીલ નિક વૂડને પૂછ્યું, 'પ્રશ્ન એ છે કે તે બીજું શું કરી શક્યો હોત.' જોકોવિચના વકીલે સ્વીકાર્યું કે તે બીજું કંઈ કરી શકે તેમ નથી. તેણે કહ્યું કે જોકોવિચે સત્તાવાળાઓને સમજાવવાનો ખૂબ પ્રયાસ કર્યો કે તેણે ઓસ્ટ્રેલિયામાં પ્રવેશવા માટે શક્ય તેટલું બધું કર્યું.

કેસની વર્ચ્યુઅલ સુનાવણી ઘણી વખત વિક્ષેપિત થઈ હતી કારણ કે વિશ્વભરના હજારો લોકોએ તેને જોવાનો પ્રયાસ કર્યો હતો. એક તબક્કે, કોર્ટની લિંક હેક કરવામાં આવી હતી. જોકોવિચે ૨૦ વખત ગ્રાન્ડ સ્લેમ જીત્યો છે અને એક ટાઇટલ સાથે તે રોજર ફેડરર અને રાફેલ નડાલને પાછળ છોડી દેશે. તે નવ વખત ઓસ્ટ્રેલિયા ઓપન જીતી ચૂક્યો છે.