ચંદ્રની માટી અને ખડકોમાં પણ છે પાણી:ચીનના ચાંગ ઈ--5 લુનાર પ્રોબને મળ્યા પુરાવા

સંશોધકોએ કહ્યું-ચંદ્રની જમીનમાં જોવા મળતા ભેજમાં સૌર પવન સૌથી વધુ ફાળો :તેમાં રહેલા હાઇડ્રોજન તત્વથી પાણી બને છે

નવી દિલ્હી : ચીનના ચાંગ ઈ-5 લુનાર પ્રોબને ચંદ્રની સપાટી પર પાણીના પુરાવા મળ્યા છે. સાયન્સ મેગેઝિન 'સાયન્સ એડવાન્સિસ'માં પ્રકાશિત થયેલા એક અભ્યાસમાં આ અંગેની માહિતી આપવામાં આવી છે. એવું કહેવામાં આવ્યું છે કે ચંદ્ર પર ઉતરાણના સ્થળે માટીમાં પાણી જોવા મળ્યું હતું. જો કે, તેની માત્રા ઘણી ઓછી છે. અધ્યયન અનુસાર, વાહન જ્યાં ઉતર્યું હતું ત્યાં માટી દીઠ 120 ગ્રામ પાણી હાજર હોવાની સંભાવના છે. એટલે કે, આ સ્થળ પૃથ્વી કરતાં ઘણું સૂકું છે

   ઉલ્લેખનીય છે કે ચંદ્ર પર પાણીની હાજરીની પુષ્ટિ અગાઉ પરીક્ષણોમાં કરવામાં આવી હતી. જો કે, વાહનને હવે સ્થળ પર ખડકો અને માટીમાં પાણી મળી આવ્યું છે. પ્રોબ પર લગાવવામાં આવેલા એક ખાસ સાધને ખડકો અને સપાટીની તપાસ કરી અને પ્રથમ વખત સ્થળ પર પાણી શોધી કાઢ્યું.છે

ચીનની સરકારી સમાચાર એજન્સી સિન્હુઆએ ચાઈનીઝ એકેડેમી ઓફ સાયન્સ (CAS) ના સંશોધકોને ટાંકીને કહ્યું કે પાણીની માત્રાનો અંદાજ લગાવી શકાય છે, કારણ કે પાણીના અણુઓ લગભગ ત્રણ માઇક્રોમીટરની આવર્તન પર શોષાય છે. સંશોધકોએ જણાવ્યું હતું કે ચંદ્રની જમીનમાં જોવા મળતા ભેજમાં સૌર પવન સૌથી વધુ ફાળો આપે છે, કારણ કે તેમાં રહેલા હાઇડ્રોજન તત્વથી પાણી બને છે. સંશોધકોના મતે, આ માહિતી ચીનના આગામી ચાંગ E-6 અને ચાંગ E-7 મિશન માટે તૈયારી કરવાની વધુ તક આપે છે. ચંદ્ર પર પાણી હોવાના પુરાવા એવા સમયે મળ્યા છે જ્યારે ઘણા દેશો ચંદ્રની સપાટી પર ચંદ્ર સ્ટેશન બનાવવાની યોજના બનાવી રહ્યા છે.