મધ્યપ્રદેશ ચૂંટણીઃ કોંગ્રેસે અંતિમ યાદીમાં 17 ઉમેદવારોના નામ જાહેર :ભાજપના વિદ્રોહી સરતાજ સિંહને આપી ટિકીટ
નવી દિલ્હીઃ મધ્યપ્રદેશ વિધાનસભા ચૂંટણી માટે કોંગ્રેસે 17 ઉમેદવારોની પાંચમી યાદી જાહેર કરી છે દિવાળીના દિવસે તેણે ચોથી યાદીમાં 29 ઉમેદવારોનાં નામ જાહેર કર્યા હતા. પાંચમી યાદીની સાથે જ કોંગ્રેસે મધ્યપ્રદેશ વિધાનસભાની 230 બેઠકો માટેના પોતાનાં ઉમેદવારો જાહેર કરી દીધા છે.
કોંગ્રેસે છેલ્લી યાદીમાં સરતાજ સિંહને હોશંગાબાદ વિધાનસભા બેઠક પરથી મેદાનમાં ઉતાર્યા છે. સરતાજ સિંહ ભાજપ સાથે છેડો ફાડીને કોંગ્રેસમાં જોડાયા છે.
આ અગાઉ બીજી લિસ્ટમાં 16 અને પ્રથમ લિસ્ટમાં 155 ઉમેદવારોનાં નામની જાહેરાત કરાઈ હતી. કુલ મળીને અત્યાર સુધી 213 બેઠકો પર ઉમેદવારોના નામનો નિર્ણય થઈ ચૂક્યો છે. મધ્યપ્રદેશ વિધાનસભામાં કુલ 230 બેઠકો છે. કોંગ્રેસે રાજ્યના મુખ્યમંત્રી શિવરાજ સિંહ સામે તેમના સાળા સંજય સિંહને વારાસિવની બેઠક પરથી મેદાનમાં ઉતાર્યો છે.