યુ.કે.ના રીંછ ટોપી પહેરેલા સૈનિકોની પરેડમાં શીખ લેબાશમાં કાળી ટોપી સાથે ભારતીય મૂળના યુવાન ચરણપ્રિત સિંઘનો દબદબો

લંડનઃ યુ.કે.ના એલિઝાબેથ બીજાના જન્મદિવસની ઉજવણી માટે નીકળતી સૈનિકોની પરેડમાં ભારતીય મૂળનો શીખ યુવાન ૨૨ વર્ષીય ચરણપ્રિત સિંઘ લાલ ભાગ લેશે. પરંતુ તે અન્ય એક હજાર સૈનિકો જેવી રીંછ ટોપી પહેરવાને બદલે શીખ લેબાશમાં કાળી ટોપી સાથે પરેડમાં જોડાશે. તેની પોતાની અસલિયત જાળવી રાખવાની પરવાનગી મળવા બદલ તેણે ખુશી વ્યકત કરી હતી. તેવું સમાચાર સૂત્રો દ્વારા જાણવા મળે છે.