મુંબઈમાં બપોરે ફરી શરુ થયો જોરદાર વરસાદ : અનેક વિસ્તારો પાણીમાં ગરકાવ : લોકલ ટ્રેનોની અવરજવર પર થઈ અસર : ઠેરઠેર ટ્રાફિકજામ

મુંબઈ: ચોવીસ કલાકના વિરામ બાદ, આજે બપોરથી મુંબઈમાં ફરી એક વાર જોરદાર વરસાદ શરુ થયો છે. ભારે વરસાદને કારણે શહેરના અનેક વિસ્તારોમાં પાણી ભરાયા છે, અને લોકલ ટ્રેનોની અવરજવરને પણ અસર પડી છે. વહેલી સવારથી જ વરસાદ શરુ થઈ જતાં ઠેકઠેકાણે ટ્રાફિકજામના દ્રશ્યો પણ જોવા મળ્યા હતા. પ્રાપ્ત માહિતી અનુસાર, અંધેરી, દાદર, પરેલ, કફ પરેડ અને બોરીવલીમાં સૌથી વધુ વરસાદ પડ્યો છે.