ઓમિક્રોન વેરિએન્ટના દરેક મ્યુટેશન અને કોરોના પર અસરકારક છે 'સોટ્રોવિમાબ' દવા
કોરોનકાળમાં આવ્યા મોટા રાહતના સમાચાર : બ્રિટિશ વૈજ્ઞાનિકોનો મોટો દાવો : 'સોટ્રોવિમાબ' દવા ગ્લેકસોસ્મિથકલાઇન (GSK) દ્વારા તેના અમેરિકી પાર્ટનર VIR બાયોટેકનોલોજી સાથે મળીને વિકસવાય છે
લંડન તા. ૮ : એક બ્રિટિશ વૈજ્ઞાનિકે ઓમિક્રોન વેરિઅન્ટને લઈને મોટો દાવો કર્યો છે જેના કારણે આખી દુનિયામાં ખળભળાટ મચી ગયો છે. તેમની દવા, સોટ્રોવિમાબ, ઓમિક્રોનમાં દરેક પરિવર્તન સામે અસરકારક હોવાનું દર્શાવવામાં આવ્યું છે. આ દવા ગ્લેકસોસ્મિથકલાઇન (GSK) દ્વારા યુએસ પાર્ટનર VIR બાયોટેકનોલોજી સાથે મળીને વિકસાવવામાં આવી હતી.
દવા હવે ઓમિક્રોન વેરિઅન્ટ પર અસરકારક હોવાનું માનવામાં આવે છે. એક નિવેદનમાં, કંપનીએ દાવો કર્યો છે કે તેની દવા સોટ્રોવિમાબ ઓમિક્રોનના ૩૭ મ્યુટેશન સામે અસરકારક સાબિત થઈ છે. ગયા અઠવાડિયે પણ, પ્રી-કિલનિકલ ટ્રાયલ પછી, એવું નોંધવામાં આવ્યું હતું કે દવા સોટ્રોવિમાબ ઓમિક્રોન સામે કામ કરે છે. તે જ સમયે, કંપની ભારપૂર્વક કહ્યું છે કે દવા WHO દ્વારા ઉલ્લેખિત દરેક પ્રકાર પર અસરકારક રીતે કાર્ય કરે છે.
કંપનીના જણાવ્યા અનુસાર આ દવા મોનોકલોનલ એન્ટિબોડી છે. સોટ્રોવિમાબ મોનોકલોનલ એન્ટિબોડીઝ પર આધારિત છે, જે કુદરતી એન્ટિબોડીઝના લેબ-નિર્મિત સંસ્કરણ છે, જે શરીર ચેપ સામે લડવા માટે બનાવે છે. હકીકતમાં, કંપનીના દાવાએ ચોક્કસપણે સમગ્ર વિશ્વને આશાનું કિરણ આપ્યું છે. જો કે અત્યાર સુધી આ દવાની અસર કોઈપણ મેડિકલ જર્નલમાં પ્રકાશિત કરવામાં આવી નથી. પરિણામે, દવાની ઔપચારિક જાહેરાત કરવાની બાકી છે.