હવે સિંગલ ડોઝથી કોરોનાનો ખાત્મો :રશિયાની સ્પુટનિક લાઈટ વેક્સિનને ભારતમાં મળી મંજૂરી

ઇમર્જન્સી યુઝ માટે સ્પુતનિક લાઇટને મંજૂરી :અત્યાર સુધીમાં ભારતમાં ચોથી વેક્સિનને મંજૂરી મળી : કોરોના વાયરસ સામે 80 ટકા કારગર : સિંગલ ડોઝના 28 દિવસે એન્ટી બોડીઝ ડેવલોપનો દાવો

નવી દિલ્હી : કોરોના સંકટ અને રસીના અભાવનો સામનો કરી રહેલા ભારતે રશિયાની સિંગલ ડોઝ કોરોના વેક્સીન સ્પુટનિક લાઈટને દેશમાં કટોકટી ઉપયોગ માટેની મંજૂરી આપી છે. સરકારના આ નિર્ણયથી દેશમાં ચાલી રહેલા કોરોના રસીકરણ અભિયાનને વધુ ગતિ મળશે.

આ  વેક્સિનની ખાસિયત એ છે કે આ રસીનો માત્ર એક જ ડોઝ લેવો પડશે. વેક્સિનથી રસીકરણને વેગ મળશે એવું કહેવામાં આવી રહ્યું છે.

 

અત્રે ઉલ્લેખનીયસી હહે કે રશિયાએ ગુરુવારે તેની રસી સ્પુટનિક-વીનું એક માત્રા સંસ્કરણ સ્પુટનિક લાઇટને નિયમનકારી મંજૂરી આપી હતી. એવી દલીલ કરી હતી કે આ પગલાથી કોરોના વાયરસ સામે સામૂહિક પ્રતિરક્ષા મેળવવાની પ્રક્રિયા ઝડપી થઈ શકે છે.

 

સ્પુટનિકનું આ લાઇટ વર્ઝન મોસ્કોના ગમલેયા સંસ્થા દ્વારા તૈયાર કરવામાં આવ્યું છે. આરડીઆઈએફએ કહ્યું આ વેક્સિન 79.4 ટકા અસરકારક છે અને અનો એક જ ડોઝ આપવામાં આવે છે. જેની કિંમત 10 કરતા કરતા ઓછી છે.

આ રસી તમામ પ્રકારના નવા કોરોનાના સ્ટ્રેઈન પર અસરકારક છે. રશિયન ડાયરેક્ટ ઇન્વેસ્ટમેન્ટ ફંડ (આરડીઆઇએફ) એ ગુરુવારે આ માહિતી આપી. આ પગલાથી તે દેશોને મદદ મળશે જ્યાં કોરોના ચેપના વધુ કેસો આવી રહ્યા છે.

જેમને સ્પુટનિક લાઇટ રસીનો ડોઝ આપવામાં આવ્યો હતો, તેમાંથી 91.7 ટકા લોકોમાં રસી આપ્યાના 28 દિવસ પછી વાયરસ તટસ્થ એન્ટિ બોડીઝ બની ગઈ હતી. જ્યારે એન્ટિજેન-વિશિષ્ટ IgG એન્ટિ બોડીઝનો વિકાસ 96.9 ટકા લોકોમાં થયો હતો.

 

ઘણા દેશો કોવિડ -19 રસીના ઓછા પુરવઠાને વિસ્તૃત કરવાના માર્ગો પર વિચારણા કરી રહ્યા છે. આમાં ડબલ ડોઝના વિલંબને ઘટાડવું શામેલ છે. ગયા વર્ષે ઓગસ્ટમાં નોંધણી દ્વારા રશિયા વિશ્વનો પહેલો દેશ બની ગયો હતો જેણે વેક્સિનને માન્યતા આપી હતી. જો કે નિષ્ણાંતોએ વેક્સિન અંગે જો પરીક્ષણ પૂરું થયા પહેલા તેને મંજૂરી આપી દેવામાં આવી હોવાની ચિંતા પણ વ્યક્ત કરી હતી. ડિસેમ્બરની શરૂઆતમાં, રશિયાએ માનવ વેક્સિન પરીક્ષણના અંતિમ તબક્કામાં હોવા છતાં દેશભરમાં સમૂહ રસીકરણ શરૂ કર્યું હતું. વિવેચકોએ રશિયાના આ પગલાને ભૌગોલિક રાજકીય પ્રભાવમાં વધારો કરવાના રીતે જોયું.