જમ્મુ-કાશ્મીર, ઉત્તરાખંડ અને હિમાચલ પ્રદેશમાં હિમવર્ષાની સંભાવના
હિમાલયના ક્ષેત્રમાં વેસ્ટર્ન ડિસ્ટર્બન્સ સક્રિય
નવી દિલ્હી તા.૮ : દેશના મેદાની વિસ્તારોમાં ઠંડીથી રાહત મળી છે. મેદાની વિસ્તારોમાં સવારે અને સાંજે જ ઠંડી જોવા મળી રહી છે. જોકે, પહાડી વિસ્તારોમાં હિમવર્ષા અને હળવો વરસાદ ચાલુ છે. હવામાન વિભાગે પહાડી વિસ્તારોમાં હિમવર્ષા અને હળવા વરસાદની શક્યતા વ્યક્ત કરી છે. IMD અનુસાર, ૯મી અને ૧૦મીના રોજ પヘમિ હિમાલયના વિસ્તારમાં વ્યાપક વરસાદ કે બરફ વર્ષા થવાની સંભાવના છે.
હવામાન વિભાગના જણાવ્યા અનુસાર આજે સવારથી જ દિલ્હી-એનસીઆરમાં આકાશ સ્વચ્છ થઈ જશે. જોકે, IMD એ આ સમયગાળા દરમિયાન દિલ્હી-NCRમાં ૨૦ થી ૩૦ kmphની ઝડપે પવન ફૂંકવાની આગાહી કરી છે. જણાવી દઈએ કે આજે દિલ્હીમાં મહત્તમ તાપમાન ૨૫ ડિગ્રી સેલ્સિયસ અને લઘુત્તમ તાપમાન ૧૧ ડિગ્રી સેલ્સિયસ રહી શકે છે.
આ સાથે જ હવામાન વિભાગે પશ્ચિમ હિમાલય વિસ્તારમાં હિમવર્ષા થવાની સંભાવના વ્યક્ત કરી છે. હવામાન વિભાગે કહ્યું કે પヘમિ હિમાલય ક્ષેત્રમાં આજે છૂટાછવાયા હિમવર્ષા થઈ શકે છે, જયારે ૯ અને ૧૦ ફેબ્રુઆરીએ હળવા વરસાદ સાથે હિમવર્ષા થવાની સંભાવના છે. IMD એ માહિતી આપી હતી કે હિમાલયના ક્ષેત્રમાં વેસ્ટર્ન ડિસ્ટર્બન્સ સક્રિય રહેશે. જેના કારણે જમ્મુ-કાશ્મીર, ઉત્તરાખંડ અને હિમાચલ પ્રદેશમાં હિમવર્ષા થવાની સંભાવના છે.
ઉત્તર પ્રદેશમાં હાલ ઠંડીથી રાહત મળી છે. IMD અનુસાર, ઉત્તર પ્રદેશના ઘણા જિલ્લાઓમાં તાપમાનમાં વધારો થવાની સંભાવના છે. આજે રાજયના ઘણા જિલ્લાઓમાં હવામાન સ્વચ્છ રહેશે. જો કે આ સમય દરમિયાન કેટલીક જગ્યાએ હળવા વાદળો છવાશે. તે જ સમયે, બિહારમાં આગામી ચાર દિવસ સુધી હવામાન શુષ્ક રહેવાની સંભાવના છે. જો કે સવાર અને સાંજના સમયે ઠંડી યથાવત રહેશે.
હવામાન વિભાગે જણાવ્યું હતું કે આગામી પાંચ દિવસ દરમિયાન સમગ્ર દેશમાં હવામાન સૂકું રહેશે. જો કે, ઉત્તરપૂર્વ ભારતમાં કેટલાક સ્થળોએ હળવા ઝરમર વરસાદની શક્યતા છે. IMD અનુસાર, આસામ, આંદામાન અને નિકોબાર ટાપુઓ, અરૂણાચલ પ્રદેશ, નાગાલેન્ડ અને મેઘાલયમાં આગામી પાંચ દિવસમાં હળવા ઝરમર વરસાદની શક્યતા છે.