નાગપુર જિલ્લા પરિષદ ચૂંટણી ભાજપનો કારમો પરાજય : ગડકરીના ગામમાં પણ કોંગ્રેસની જીત

કોંગ્રેસ 31 બેઠકો જીતીને સૌથી મોટી પાર્ટી બની

નાગપુર : ભાજપના દિગ્ગજ નેતા અને કેન્દ્રીય પ્રધાન નીતિન ગડકરીના ગઢ નાગપુરમાં ભાજપનો કારમો પરાજય થયો છે  નાગપુરના ધાપેવાડામાં યોજાયેલી જિલ્લા પરિષદની ચૂંટણીમાં ભાજપનો પરાજય થયો છે. અહીંથી કોંગ્રેસના ઉમેદવારનો વિજય થયો છે. કોંગ્રેસ 31 બેઠકો જીતીને સૌથી મોટી પાર્ટી બની છે.

કેન્દ્રીય પ્રધાન નીતિન ગડકરીનું ગામ ધાપેવાડા નાગપુરમાં આવે છે. એવું માનવામાં આવે છે કે નીતિન ગડકરીને કારણે આ વિસ્તારમાં ભાજપનો મજબૂત પકડ છે. જીલ્લા કાઉન્સિલની ચૂંટણીમાં કોંગ્રેસના ઉમેદવાર મહેન્દ્ર ડોંગરે જીત્યા છે. ધાપેવાડા બેઠક પરથી મહેન્દ્ર ડોંગરે સારા મતોથી ચૂંટણી જીતવામાં સફળ રહ્યા છે.

એક તરફ મહેન્દ્ર ડોંગરેને 9,444 મતો મળ્યા, જ્યારે ભાજપના ઉમેદવાર મોમકુવારને માત્ર 5,501 વોટ મળ્યા. જિલ્લા પરિષદની ધાપેવાડા બેઠક ત્રણ વખત ભાજપના નિયંત્રણ હેઠળ હતી. પરંતુ આ વખતે કોંગ્રેસે તેમને ખૂબ માર માર્યો છે.