News of Thursday, 6th December 2018
પરીક્ષા કેન્દ્રના CCTV કૂટેજઃ સુરતની એક સ્કૂલમાં પેપર આપવા પહોંચ્યો હતો યશપાલસિંહ
સુરત, તા.૬:એલઆરડી પેપર લીક કાંડમાં જેમનું નામ સૂત્રધાર તરીકે લેવામાં આવી રહ્યું છે તે યશપાલસિંહ સોલંકી દિલ્હીથી આન્સર કી લાવ્યા બાદ પરીક્ષા આપવા માટે સુરતની એક સ્કૂલમાં આવ્યો હતો. આ અંગેના સીસીટીવા સામે આવ્યા છે જેમાં યશપાલને વર્ગખંડમાં બેઠકો જોઈ શકાય છે. યશપાલસિંહની ગુરુવારે વહેલી સવારે મહિસાગરના વીરપુરમાંથી ધરપકડ કરવામાં આવી છે. તેને પૂછપરછ માટે દિલ્હી પણ લઈ જવામાં આવી શકે છે.
અલથાણાની સ્કૂલમાં આવ્યો હતો યશપાલસિંહઃ પેપર લીક કાંડનો કથિત મુખ્ય આરોપી યશપાલ પોતે પણ પરીક્ષાર્થી હતો. યશપાલ સુરતની અલથાણાની શિવાજી પાર્ક ખાતે આવેલી શ્રી દયાળજી કસનજી ભટારકર વિદ્યાસંકુલ ખાતે પરીક્ષા આપવા માટે પહોંચ્યો હતો.(૨૨.૧૧)
(3:43 pm IST)