કિન્નરોએ યુવકનું ગુપ્તાંગ વાઢયું
રાજસમદ, તા. ૬ :. બુધવારે બપોરે નશામાથી બહાર આવેલા ૨૨ વર્ષીય દેવગઢ કામલીઘાટના નિવાસી યુવકના પોતાની લોહીલુહાણ હાલત જોઈ હોંશ ઉડી ગયા હતા. તેનુ ગુપ્તાંગ કપાયેલુ હતું. છુપાતો-છુપાતો તે પોલીસ સ્ટેશને પહોંચ્યો હતો. જ્યાંથી સારવાર માટે હોસ્પીટલમાં લઈ જવાતા તેના પર શસ્ત્રક્રિયા કરવામાં આવી હતી. એએસઆઈ ચેતરામે જણાવ્યુ કે નાથાજીનો ગુડામાં કિન્નર મમતબાઈના ઘરે કોઈ કાર્યક્રમ હોય તે ત્યાં ગયો હતો. રાત્રે કેટલાક કિન્નરો અને અન્ય લોકો દારૂ પી રહ્યા હતા તે દારૂ નથી પીતો. કિન્નરોએ તેને જબરજસ્તી મોડી રાત્રે હાથપગ બાંધી દારૂ પીવડાવ્યો હતો. તે ઘસઘસાટ ઉંઘી ગયા બાદ ઉંઘમાં જ બેહોશીનું ઈન્જેકશન આપી ઉંઘમાં તેનુ ગુપ્તાંગ કાપી નાખવામાં આવ્યુ હતું. તેને જ્યારે હોંશ આવ્યો ત્યારે તે એક બંધ રૂમમાં હતો જ્યાંથી કોઈપણ રીતે છટકી રાહદારીઓની મદદથી જોધપુરમાં તેણે તેના ભાઈને જાણ કરી હતી અને બાદમાં પોલીસમાં મામલો નોંધાયો હતો. પોલીસ તપાસમાં કામલીઘાટની કિન્નર ઈકબલીયા ઉર્ફે મમતા દ્વારા અદાવતમાં આ કૃત્ય કરવામાં આવ્યુ હતું.