IRCTC ના IPOને જબરદસ્ત પ્રતિસાદ : ૧૧ર ગણો ભરાયો

બે કરોડ શેરના ઓફરિંગ સામે રપ કરોડ શેર જેટલી ઓફર પ્રાપ્ત થઇ

નવી દિલ્હી, તા. ૪ : ઇન્ડિયન રેલવે કેટરિંગ એન્ડ ટૂરિઝમ કોર્પોરેશન (આઇઆરસીટીસી) ના ઇનિશિયલ પબ્લિક ઓફરિંગ (આઇપીઓ)ને રોકાણકારો તરફથી જબરદસ્ત પ્રતિસાદ સાંપડયો છે. ગુરૂવારે જયારે ઇશ્યૂ બંધ થયો ત્યારે આ ઇશ્યૂ ૧૧૧.૯૧ ગણો ભરાયો હતો. ગુરૂવારે સાંજે ૬.૪પ કલાક સુધી શેરબજારને મળેલા આંકડા અનુસાર આઇઆરસીટીસીના વેચાણ માટે ઓફર કરવામાં આવેલ. બે કરોડના શેરની અવેજમાં રપ કરોડ શેર માટે ઓફર પ્રાપ્ત થઇ છે. કંપની રૂ. ૬૪પ કરોડ એકત્ર કરવા આઇપીઓ લાવી હતી.

ઇન્સ્ટિટયૂશનલ રોકાણકારોની કેટેગરીમાં આ ઇશ્યૂ ૧૦૮.૭૯ ગણો, નોન ઇન્સ્ટિટયશનલ કેટેગરીમાં ૩પ૪.પર ગણો અને રિટેલ ઇન્વેસ્ટર્સની કેટેગરીમાં ૧૪.૬પ ગણો સબસ્ક્રાઇબ થયો છે. રોકાણ અને લોક સંપત્તિ પ્રબંધન વિભાગ (દીપમ્) દ્વારા ટ્વિટ કરવામાં આવ્યું હતું કે આઇઆરસીટીસીના આઇપીઓને તમામ કેટેગરીમાં રોકાણકારો તરફથી જોરદાર પ્રતિસાદ મળ્યો છે.