News of Thursday, 4th March 2021
મદ્રેસામાં બે સગીરાની છેડતી શિક્ષકને પાંચ વર્ષની જેલ
મુંબઇ, તા. ૪ : પાંચ વર્ષ જુના બે સગીરાના યૌન ઉત્પીડન કેસમાં વિશેષ અદાલતે એક ર૯ વર્ષના શિક્ષકને પાંચ વર્ષ જેલની સજા ફટકારી છે. આ કેસ વર્ષ -ર૦૧૬નો છે જયારે આરોપી શિક્ષકે ૧૧ અને નવ વર્ષની વિદ્યાર્થીનીઓનું યૌન ઉત્પીડન કર્યુ હતું.
આ બંને સગીરાઓએ પોતાના પરિવારને શિક્ષક સામે ફરીયાદ કર્યા બાદ બંને પરિવારોએ શિક્ષક સામે પોલીસ ફરીયાદ કરી હતી. બંને સગીરાઓએ ફરીયાદમાં જણાવ્યું હતું કે અમને પ્રાધ્યાપકે ખોટી રીતે સ્પર્શ કર્યા બાદ ચૂંબન કર્યા હતા આ શિક્ષકના ડરથી બંને સગીરાઓએ મદ્રેસામાં શિક્ષણ લેવાનો પણ ઇનકાર કર્યો હતો.
(2:44 pm IST)